+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Jambylda bıyl 600-den astam nysan salý josparlanýda

2020 jylǵy 9 sáýir 05:47
Bólisińiz:
Jambylda bıyl 600-den astam nysan salý josparlanýda

TARAZ. QazAqparat – Jambyl oblysy aýmaǵynda aǵymdaǵy 600-den astam nysan qurylysyn júrgizý josparlanýda, - dep habarlaıdy QazAqparat oblys ákimdigiginiń resmı saıtyna silteme jasap.

Oblys ákimi Berdibek Saparbaevtyń tóraǵalyǵymen beıneselektorlyq rejımde ótken jıynda óńirdiń qurylys salasynda atqarylyp jatqan jumystardyń barysy saralandy.

Naqtyraq aıtsaq, jobalyq-smetalyq qujattamalardyń daıyndalýy, qurylys júrgizýdegi erejeleri men normalardyń buzylýyna qatysty máseleler saralandy.

Oblystyq qurylys basqarmasynyń basshysy Jaıyqbaı Shaldarovtyń aıtýynsha, qazirgi tańda salalyq vedomstvo jelisi boıynsha 112 joba saraptama qorytyndysyn alǵan jáne onyń 10,8 mıllıard teńgeni quraıtyn 37-si maquldanǵan. Al, 110 joba saraptama qorytyndysyn almaǵan desek, olardyń qataryndaǵy 2 joba – 2014 jyldan, 18 joba – 2017 jyldan, 76 joba – 2019 jyldan ótpeli bolyp sanalady. Arnaıy jumys toby qazir qalyptasqan jaǵdaıdy taldaýda.

Qurylysy uzaq jyldarǵa sozylǵan nemese toqtap qalǵan nysandar boıynsha sáýlet-qurylys baqylaý basqarmasy basshysynyń mindetin ýaqytsha atqarýshy Eldos Aqberdıev málimdedi.

Búginde oblys boıynsha ondaı 46 nysan anyqtalǵan desek, onyń ishinde Taraz qalasynda – 35, Sarysý aýdanynda – 3, Talas, Qordaı, Shý aýdandarynda – eki nysan, Jambyl, Rysqulov aýdandarynda – bir nysannan bar. Bul oraıda birqatar nysandardaǵy qurylys jumystary 8-9 jyldan beri toqtap tursa, keıbireýleriniki tipti 30 jyldan asqan. Mundaı qurylystar qalalar men aýyldardyń sáýlettik kelbetin buzyp qana qoımaı, sondaı-aq tuǵyndar úshin qaýip tóndiretin nysandar qataryna jatady.

Spıkerdiń pikirinshe, atalǵan másele boıynsha otandyq zańnamaǵa tıisti tolyqtyrýlar engizý qajettigi týyndap otyr. Bul boıynsha oblys ákimdigi tarapynan Indýstrııa jáne ınfraqurylymdyq damý mınıstrligine tıisti usynystar joldanǵan.

Basqosýda «qyzyl syzyq» talaptaryn elemeı, qurylys normalarynyń óreskel buzyp otyrǵan qurylystar týraly da aıtyldy.

Sáýlet jáne qala qurylysy basqarmasy basshysynyń mindetin atqarýshy Dáýlet Dosanov ótken jyly oblys aýmaǵynda «qyzyl syzyq» normalaryn buzǵan 35 nysannyń anyqtalǵanyn jetkizdi. Qabyldanǵan sharalardyń nátıjesinde 13 nysan buzylyp, bir nysannyń ıesine aıyppul salynǵan. Basqa da 16 nysan boıynsha materıaldar sot organdaryna berilgen. Aǵymdaǵy jyly da «qyzyl syzyq» erejesin buzýmen salynyp jatqan nysandar qatary anyqtalýda. Olar ótken jyldaǵy kórsetkishten de kóp bolyp otyr. Alaıda, Taraz qalasy men aýdan ákimdikteri bul turǵyda eshqandaı másele týyndap otyrmaǵanyn alǵa tartýda.

- Qurylys salasyndaǵy barlyq jaǵdaıdy únemi baqylaýda ustaý qajet. Jobalaýdan bastap barlyq jumystar tıisti talaptardy saqtaı otyryp, belgilengen merzimde júrgizilýi tıis. Ókinishke qaraı, búgingi kúni qurylys basqarmasynyń jumysynyń álsizdigi baıqalýda. Sáýlet-qurylys baqylaý qyzmeti, tehnıkalyq qadaǵalaý qyzmeti de óz deńgeıinde jumys atqaryp otyrǵan joq. Bári ǵımarattardy tezirek salyp, tapsyrýǵa asyǵady. Nátıjesinde jańa shaǵynaýdandardan qasbetteri tartymsyz, bir-birinen aýmaıtyn qorap sekildi úılerdi kórip otyrmyz, - dep atap ótti oblys ákimi.

Berdibek Saparbaev sondaı-aq tótenshe jaǵdaı kezinde de aǵymdaǵy jyldyń josparyna engizilgen jańa nysandardyń qurylysyna daıyndyq júrgizý qajettigin atap ótti. Qurylys salasynda qazir 600-den astam jobany júzege asyrý mindeti tur. Bul maqsatqa bıýdjetten qomaqty qarajat bólingen desek, olardy ıgerýdiń mańyzdylyǵyn aıtpasaq ta túsinikti.

- Biz tótenshe jaǵdaı kezinde týyndaǵan kóptegen ekonomıkalyq máselelerdi qurylys arqyly sheshýge tıispiz. Atap aıtsaq, jańa nysandardy soǵý barysynda birinshi kezekte jergilikti materıaldardy paıdalanyp, barynsha jergilikti kadrlardy jumysqa tartý kerek, - dedi aımaq basshysy.


Bizdiń kanalymyzǵa jazylyńyz:

Basty sózder: Jambyl oblysy, Qurylys,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT