+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Jambylda bıyl 12 myńǵa jýyq dárigerdiń jalaqysy 20-30 paıyzǵa ósti

2021 jylǵy 29 shilde 11:33
Bólisińiz:
Jambylda bıyl 12 myńǵa jýyq dárigerdiń jalaqysy 20-30 paıyzǵa ósti

TARAZ. QazAqparat – Jambyl oblysynda jyl basynan beri 3248 dárigerdiń jalaqysy 30 paıyzǵa, 8648 medıtsına qyzmetkeriniń jalaqysy 20 paıyzǵa artty. , - dep habarlaıdy QazAqparat tilshisi.

Uqsas jańalyqtar
Jambylda eki kólik soqtyǵysyp, órtenip ketti: eki adam mert boldy Jambyl oblysynda qansha shaqyrym jol jóneldi Tarazda munaraly kranǵa shyǵyp, sekirmek bolǵan áıel qutqaryldy

Jambyl oblysynyń ákimdiginde ótken keńeste densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasynyń oryndalý barysy qaraldy.

Densaýlyq saqtaý basqarmasynyń basshysy Áset Qalıevtiń aıtýynsha, bala týý kórsetkishi ótken jyldyń sáıkes kezeńimen salystyrǵanda 3,59 paıyzǵa artyp, 25,47 paıyzdy qurady. Ólim kórsetkishi 3,3 paıyzǵa aınalǵan. Týberkýlezden bolatyn ólim-jitim 25 paıyzǵa, qaterli isikten bolatyn ólim-jitim 8,8 paıyzǵa tómendegen.

«Jyl basynan beri oblysymyzǵa 14 jas dáriger keldi, olardyń 2-ýi oblys ortalyǵynda, qalǵandary aýdandarda jumys jasaýda. Kadr tapshylyǵyn sheshý maqsatynda S.Asfendııarov atyndaǵy Qazaq ulttyq medıtsına ýnıversıtetiniń rektory men Jambyl oblysynyń ákimi arasyndaǵy yntymaqtastyq týraly memorandým aıasynda ótken jyly Taraz qalasynda atalǵan joǵary oqý ornynyń fılıaly ashyldy», - dedi Áset Qalıev.

Jyl basynan beri 3248 dárigerdiń jalaqysy 30 paıyzǵa, 8648 medıtsına qyzmetkeriniń jalaqysy 20 paıyzǵa artty.

Medıtsınalyq uıymdardyń qajetti qural-jabdyqpen qamtylý deńgeıi 87,9 paıyzǵa jetti (ótken jyly – 64,4 paıyz).

«Koronavırýstyq pandemııaǵa qatysty ahýal kún sanap nasharlaýda. Óńirdegi epıdemıologııalyq ahýaldy turaqtandyrý boıynsha jumys jasaý qajet. Vırýs juqtyrǵandardy kompıýterlik tomografııamen qamtý kerek. Búgingi tańda oblys boıynsha KT aparaty Qordaı, Merki, Shý aýdandarynda jáne Taraz qalasynda bar. Qalǵan aýdandar da bul máseleni sheshýi kerek», - dep tapsyrdy oblys ákimi.

Basqosý barysynda sanıtarlyq-epıdemıologııalyq baqylaý departamentiniń basshysy Baıdildá Shynalıev te baıandama jasady.

Sondaı-aq, aımaq basshysy COVID-19-ǵa qarsy kúreste monıtorıngtik toptar jumysynyń mańyzdylyǵyn eske saldy.

«Koronavırýs juqtyrǵandardyń sany ósýde, degenmen, bul ókinishke oraı meıramhana ıeleri men toı ótkizýshilerdi alańdatar emes. Sondyqtan, qaýipti vırýspen kúreste monıtorıng toptaryna mańyzdy mindet júktelip otyr», - dep atap ótti oblys ákimi.



Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT