Jambylda bilim salasynyń qyzmetkerleri 100 paıyz ekpe aldy
2021 jylǵy 1 qyrkúıek 04:21

Jambylda bilim salasynyń qyzmetkerleri 100 paıyz ekpe aldy

TARAZ. QazAqparat – Jambyl oblysynda barlyq bilim berý salasynyń qyzmetkerleri tolyǵymen koronavırýsqa qarsy ekpe aldy, dep habarlaıdy QazAqparat tilshisi.

Búgingi tańda oblystaǵy bilim salasynyń qyzmetkerleri 100 paıyz KVI-ge qarsy ekpe saldyrdy.

Ekpe saldyrǵandardyń ishinde balabaqsha tárbıeshileri, bastaýysh synypqa sabaq beretin pedagogtar, kolledj ustazdary, bilim basqarmasy men bilim bólimderiniń qyzmetkerleri bar.

Vaktsına saldyrǵan pedagogtardyń densaýlyǵy qalypty.

Mektepterdegi 25 829 ustazdyń barlyǵy ekpeniń 1-komponentin alsa, 2-komponentin kestege saı, 18 000 bilim berýshi alǵan.

Balabaqshalardaǵy 6 528 qyzmetker (1-komponenti – 6 528, kestege saı, 2-komponentin - 6 300) vaktsınatsııalanǵan.

1978 qosymsha bilim berý uıymdarynyń pedagotary vaktsınanyń 1-komponentin tolyq alǵan. Al, 2-komponentin kestege saı, 1780 pedagog aldy.

Sonymen qatar, oqýshylardyń qaýipsizdigin qamtamasyz etý maqsatynda bilim ordalarynda «Ashyq» qosymshasy mektep qyzmetkerleri úshin jumys isteıtin bolady.

Oqýshylar termometrııany, maska rejımi men áleýmettik qashyqtyqty saqtaıdy. Synyptarda 2 saǵat saıyn dezınfektsııa júrgiziledi.

Al bógde adamdarǵa bilim mekemelerine kirýge tyıym salynady.


Uqsas jańalyqtar

Jańalyqtar

Úrdis

MURAǴAT