Jambylda avtobýs pen traktor soqtyǵysyp, eki adam qaza tapty
2022 jylǵy 12 mamyr 19:18

Jambylda avtobýs pen traktor soqtyǵysyp, eki adam qaza tapty

Taraz. QazAqparat – Jambyl oblysynda 12 mamyr kúni saǵat 15.50 shamasynda «Batys Eýropa-Batys Qytaı» respýblıkalyq mańyzy bar avtojolynyń 571-shaqyrymynda jol-kólik oqıǵasy boldy,- dep habarlaıdy QazAqparat tilshisi.

Aldyn ala boljam boıynsha kún raıynyń nasharlaýyna baılanysty (jańbyr men burshaq) jolaýshylar tasymaldaıtyn avtobýstyń júrgizýshisi rýlge ıe bola almaı, bir baǵytta kele jatqan traktordyń tirkemesine soǵylǵan.

Jol-kólik oqıǵasy saldarynan avtobýs júrgizýshisiniń kómekshisi men jolaýshysy oqıǵa ornynda qaza tapty, aýrýhanaǵa 33 adam qaralyp, olardyń úsheýi jansaqtaý bólimine jatqyzyldy.

«Atalǵan derek boıynsha QR QK 345-baby 4-bóligimen (kólik quralyn basqaratyn adamnyń abaısyzda eki nemese odan da kóp adamnyń ólimine ákep soqqan jol júrisi nemese kólik quraldaryn paıdalaný qaǵıdalaryn buzýy) boıynsha sotqa deıingi tergeý amaldary bastaldy. Qajetti saraptamalar taǵaıyndaldy»,-delingen polıtsııa departamentiniń habarlamasynda.

Osyǵan deıin Jambyl oblysynyń Moıynqum aýdanynda polıtseıler aýmaqty patrýldeý kezinde Aqbaqaı aýylynyń mańynda ornalasqan «Qarakóz» shahtasynda taý jynystaryn zańsyz óndirýmen aınalysqan bir top adamdy anyqtaǵanyn jazǵanbyz.

Polıtsııa qyzmetkerleri 1976, 1992,1994 jáne 1990 jyldary týǵan alty jumysshyny ustady. Onyń beseýi - Jambyl oblysynyń, al bireýi - Almaty oblysynyń turǵyny bolyp shyqty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT