+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Jambylda aýqymdy jobany júzege asyrý bastaldy

2019 jylǵy 23 qyrkúıek 23:42
Bólisińiz:
Jambylda aýqymdy jobany júzege asyrý bastaldy

TARAZ. QazAqparat – Jambyl oblysy turǵyndarynyń tabysyn arttyrý jobasy naqty qolǵa alyna bastady, dep habarlaıdy QazAqparat tilshisi.

Uqsas jańalyqtar
Semeıde bos jumys oryndarynyń jármeńkesi ótti Semeıde 700 bos oryn usynylatyn jumys jármeńkesi ótedi «Eńbek» baǵdarlamasyna ózgerister engizý kerek - senator

Joba boıynsha oblystyń ár aýdanynan bir-bir aýyldyq okrýg tańdalǵan bolatyn. Onda atalmysh aýqymdy joba alǵashqy kezeń negizinde pılottyq rejımde júzege aspaq. Osyǵan oraı oblys ákimi Asqar Myrzahmetovtyń ózi aýdandarǵa is-saparǵa shyǵyp, atalmysh on aýyldyq okrýgterge arnaıy barýdy bastady. Ondaǵy maqsat - turǵyndarmen tikeleı júzdesip, atqarylar jobalardyń barysyn barlaý.


Aımaq basshysy búgin Jambyl aýdanyndaǵy Besaǵash aýyldyq okrýgine baryp, jergilikti turǵyndarmen kezdesti. Erkin formatta ótken jıynda aýyldyqtar ózderiniń kózdep otyrǵan josparlarymen bólisti.


Ashyǵyn aıtý kerek, búginde aýyldardaǵy jeke qosalqy sharýashylyq jerlerin utymdy uqsatý oıdaǵydaı emes. Ony tıimdi tabys kózine aınaldyrý - turǵyndardyń tikeleı ózine baılanysty bolyp otyr. Al, joba aıasynda jergilikti halyqqa qoldaý múmkindigi retinde 2,5 paıyzben nesıe berilmek.

Kezdesýde ákim osyny basa aıtyp, kókeıdegi kóp saýaldarǵa naqty jaýaptar berip, túıtkildi jaıttardy jan-jaqty túsindirdi.

Besaǵash aýyldyq okrýgine Besaǵash jáne Túrksib eldimekenderi qaraıdy. Onda barlyǵy 1 336 aýla ıeleri jáne 10 kópqabatty turǵyn úıde turatyn 160 otbasy bar. Jalpy halyq sany - 6 820 adam. Okrýgtegi 1176 aýlada jeke qosalqy sharýashylyǵy bar desek, Ondaǵy úı irgesindegi jer kólemi 154,9 gektardy quraıdy. Onyń sýmen qamtylǵany 771 aýla (104,5 ga), paıdalanbaı jatqany 405 aýla (50,4 ga).

Búginge deıin jobanyń birinshi baǵyty boıynsha osy okrýgten 1176 aýla ótinim berip úlgergen. Al, mal sharýashylyǵy boıynsha 128 aýla ıelerinen tıimdi nesıege degen suranys túsken. Basqa da qalǵan úsh baǵyt aıasynda da qyzý jumystar júrgizilýde.

Aýyl sharýashylyǵy salasynan basqa, pılottyq okrýgta jalpy shaǵyn kásip boıynsha 30 mıllıonnan astam teńgeniń 14 jobasy usynylyp otyr. Onyń ishinde: shashtaraz, monsha, tigin tsehy jáne taǵy basqa da jobalar bar. Al, turǵyndardyń áleýmettik-turmysyn jaqsartýǵa barlyǵy pılottyq okrýg boıynsha 131 jobaǵa suranys bildirilgen.

Jıynnan soń aýyl turǵyndarynyń baý-baqshalarymen tanysqan aımaq basshysy Besaǵash aýyly Bekeev kóshesinde ornalasqan Mýrat Baıanbaevtyń jylyjaıynyń jumysyn barlady. Aýmaǵy 0,7 gektardy quraıtyn jylyjaıdan jylyna eki ret ónim alynsa, taza tabysy 300 myń teńgege aınalýda. Asqar Isabekuly joba aıasynda jylyjaıdyń jumysyn jandandyryp, ónim kólemin arttyrý qajettigin basa aıtty. Sondaı-aq, úı irgesindegi jeriń tıimdi ıgerip otyrǵan jylyjaı ıesin ózgelerge úlgi retinde usynýdyn mańyzdylyǵyna toqtaldy.

Óńir basshysy Jambyl aýdanyndaǵy jumys sapary barysynda dándik júgeri egilgen alqappen jáne Túrksib aýylyndaǵy 300 oryndyq orta mektep qurylysymen tanysty.


Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT