+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Jambylda 100-ge jýyq áskerı koronavırýs juqtyrǵan

2020 jylǵy 28 mamyr 04:11
Bólisińiz:
Jambylda 100-ge jýyq áskerı koronavırýs juqtyrǵan

TARAZ. QazAqparat – Jambyl oblysynda koronavırýsqa qarsy sharany qamtamasyz etý maqsatynda 12 shtab, 51 mobıldi top jumys istep jatyr. Bul týraly Óńirlik kommýnıkatsııalar qyzmetinde ótken brıfıng barysynda oblys ákimi Berdibek Saparbaev baıandady, dep habarlaıdy QazAqparat.

Uqsas jańalyqtar
Elimizde koronavırýstan jazylǵandar sany 16 myńnan asty Almatyǵa taǵy 70 ókpeni jasandy jeldetý apparaty jetkiziledi Saǵyntaev: Koronavırýspen kúreste aldyńǵy kezektegi 10 qadamdy anyqtadyq

Aımaq basshysy onlaın formatta brıfıngide Memleket basshysynyń koronavırýsqa qarsy is-qımyl jáne daǵdarysqa qarsy sharalar jónindegi tapsyrmalarynyń oryndalý barysyna jan-jaqty toqtaldy.

27 mamyrdaǵy jaǵdaı boıynsha oblysta koronavırýstyń 358 jaǵdaıy tirkelgen. Barlyq anyqtalǵan oqıǵalardyń 30-y aımaqqa syrttan kelse, 99-y áskerı, 22-si medıtsına salasynyń, 7-eýi polıtsııa qyzmetkeri. Sondaı-aq, emdelip shyqqandardyń sany 173-ke jetken. Al bir adam qaıtys bolǵan, alaıda ol Pavlodar oblysynyń turǵyny. Oblysta 7 zerthana jumys jasap jatyr. Onda barlyǵy 23 753 adam testileýden ótken.

«Qazirgi tańda juqpaly aýrýhanada 132 adam jatyr. Negizinen olardyń barlyǵynyń jaǵdaıy ortasha. Dárigerlerdiń baqylaýyna alynǵan. Úı karantıninde 1 580 adam oqshaýlanǵan. Jalpy osy aýrýǵa shaldyqqandardy emdeý úshin óńirde 1 424 oryn daıyndalyp, oǵan qosymsha 80 provızorlyq orny ashyldy. Osy jumystardy sapaly júzege asyrý úshin 867 medıtsına qyzmetkerleri tartylǵan. Medıtsına qyzmetkerlerine arnalyp alty qonaqúı daıyndaldy. Qazir onda 246 medıtsına salasy qyzmetkerleri ýaqytsha turyp jatyr», – dedi B.Saparbaev.

Jalpy osy medıtsına jáne polıtsııa qyzmetkerlerin, áskerılerdi tıisti qural-jabdyqpen, regıstrlermen qamtamasyz etý úshin 1,5 mlrd teńge qarjy bólingen. Memleket basshysynyń tapsyrmasyna sáıkes 2,5 myń medıtsına qyzmetkerine 400 mıllıon teńgeden astam járdemaqy tólengen.

Sondaı-aq, oblys ákimi búginde tekserýdi jedeldetý úshin 7 zerthana jumys isteıtinin aıtty. Halyqtyń suranysyn tezirek oryndaý úshin, suraqtaryna jaýap berý úshin arnaıy 109 járdem shtaby quryldy. Búgingi kúnge deıin shtabqa 24 myńǵa jýyq suraq túsipti. Osyǵan deıin óńirde 44 blokpost jumys istegen. Jeńildetý sharalaryna sáıkes búginde olardyń 25-i ǵana qalǵan. Sol blokpostarǵa 222 adam, 60-qa jýyq tehnıka tartylǵan. Olar bekitilgen algorıtmge sáıkes jumysty jalǵastyryp keledi.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT