+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Jambyl Jabaevtyń 175 jyldyq mereıtoıyna arnalǵan is-sharalar bastaldy

2021 jylǵy 26 aqpan 17:23
Bólisińiz:
Jambyl Jabaevtyń 175 jyldyq mereıtoıyna arnalǵan is-sharalar bastaldy

NUR-SULTAN. QazAqparat - Qazaqstanda jyr alyby Jambyl Jabaevtyń 175 jyldyq mereıtoıyn resmı túrde merekeleý bastaldy, dep habarlaıdy QazAqparat tilshisi.

Q.Qýanyshbaev atyndaǵy Memlekettik akademııalyq qazaq mýzykalyq drama teatryndaǵy mereıtoılyq jyldyń saltanatty ashylýyna mádenıet jáne ǵylym qaıratkerleri, Almaty jáne Jambyl oblystarynyń delegatsııalary keldi.

Merekelik keshtiń qonaqtary jańa teatr foıesinde uıymdastyrylǵan Jambyl Jabaev mýzeıiniń ekspozıtsııasymen tanysty. QR mádenıet jáne sport mınıstri Aqtoty Raıymqulova saltanatty is-sharada baıandama jasady.

Bıyl Táýelsizdiktiń 30 jyldyǵy aıasynda jyr alyby Jambyl Jabaevtyń 175 jyldyǵy atalyp ótýde. Memleket basshysy Q.K. Toqaevtyń Jarlyǵymen uly aqynnyń mereıtoıyn joǵary dárejede uıymdastyryp mazmundyq deńgeıin qamtamasyz etý maqsatynda arnaıy memlekettik komıssııa qurylǵan edi.

«Qadirli zııaly qaýym! Jambyl qazaq ádebıeti men mádenıetinde erekshe orny bar Alataýdaı asqaq tulǵa. Jyl dúldúli, epık aqyn retinde qazaqtyń sýyryp salma ımprovızatorlyq ónerin bıik shyńǵa shyǵardy. Tól ónerimiz aıtystyń ereksheligi sóz tapqyrlyq emes, batyldyq, ótkirlik, shyndyqqa toly kórkem beıneli sózder tabylyp, qalyń jurtqa qoǵamdyq máseleni aıqyn jetkize alýymen qundy. Jambyl aıtysy árdaıym tereńdigimen, kórkemdigimen, tarıhı negizderimen astarly mazmunymen jurtty baýrap alǵan edi», - dedi mınıstr óz baıandamasynda.

Jambyl qazaq ádebıetindegi týǵan halqynyń maqtanyshy ǵana emes, álemdik deńgeıdegi jyr alybyna aınaldy. Óleńderi dúnıe júziniń qyryqtan astam elderiniń tilderine aýdaryldy. Aqyn shyǵarmashylyǵy týraly R. Tagor, M. Sholohov syndy qaıratkerler joǵary baǵalaǵan.

«Jambyldyń bıylǵy mereıtoıynda aıtýly aqynnyń ómiri men shyǵarmashylyǵyn jalpy ult maqtanyshy retinde ǵana qarastyrmaı, jas urpaqtyń tarıhı tanymyn keńeıtip, otansúıgishtikke tárıbeleýdiń yqpaldy quralyna aınaldyrý mejelenip otyr», - dedi A. Raıymqulova.

Aıta keteıik, Qazaqstan Respýblıkasynyń Memlekettik hatshysy, mereıtoıdyń memlekettik komıssııasynyń tóraǵasy Qyrymbek Kósherbaev elordadaǵy Jambyl eskertkishine gúl shoqtaryn qoıǵan edi.

Búgin elimizdegi jáne shet elderdegi qalalar men eldimekenderde Jambyl Jabaevtyń eskertkishteri men bıýsterine gúl shoqtary qoıyldy, árqıly mádenı sharalar ótkizildi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT