+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Jambyl turǵyny jemisterden chıpsi daıyndaıdy

2020 jylǵy 25 aqpan 21:41
Bólisińiz:
Jambyl turǵyny jemisterden chıpsi daıyndaıdy

TARAZ. QazAqparat – «Bıznes bastaý» jobasy aıasynda oqyǵan Gúlfaırýz Rahmetova jemisten jasalatyn chıpsiler óndirisin qolǵa aldy, dep habarlaıdy QazAqparat.

Baızaq aýdanynyń Qumjota aýylynda turatyn jas ká­sipker 29 jasqa deıingi qaı­tarymsyz grantty jeńip alyp, memleket tarapynan beril­gen 1,5 mıllıon teńgege ıe bolǵan. Ol qarjyǵa kókónis­terdi keptiretin apparat satyp alyp, qazir úıinen túrli jemisterdi keptirip, chıpsiler shyǵarýda.

Jas kásipker chıpsilerdi alma, apelsın, kıvı, ananas sekildi jemisterden jasaıdy. Esh qospasyz, tabıǵı ónimderdi óndirýdegi maqsaty – ózin-ózi jumyspen qamtý arqyly otandyq kásipkerlikti damytý.

Gúlfaırýz alma jáne apelsın sekildi jemisterdi Baızaq aýdanynan alyp otyrǵanyn aıtady. Búginde tutynýshylar tarapynan túsip jatqan tapsyrystar sany da kún sanap artýda eken.

«Eger otandyq ónimge degen suranys jaqsy bolsa, bir kúnde 200 qorapqa deıin chıpsi shyǵaryp berýge daıynmyn. Bul ónim ásirese dıeta ustaıtyn azamattar men balalarǵa óte paıdaly. Eshqandaı hımııalyq qospasy joq, taza ónim», - deıdi jas kásipker.

Ol shyǵarǵan ónim­derin ázirge Instagram áleýmettik jelisi arqy­ly jar­namalap satýda. Aldaǵy ýaqytta aýdan, oblys ortalyǵyndaǵy saýda oryndarymen kelisip, ónimin keńinen taratýǵa nıetti.

Memlekettiń qol­daýyn kórip otyrǵan Gúlfaı­rýz Rahmetova endi óńirde otan­­­dyq ónimder toptas­ty­ryl­ǵan dúkender jelisi qu­ryl­sa eken dep tileıdi. Sol arqyly ózimizden shyǵatyn ónimder bir jer­­de satylyp, halyqtyń da sura­­ny­syna ıe bolar edi degen oıda.

«Chıpsiler 35-50 gramdyq qaltashaǵa salynǵan, baǵasy da qoljetimdi. Bir qaltashaǵa juqalap tilingen 3-4 jemis syıyp ketedi. Bul degenińiz, bir bala mýltfılm kórip otyryp-aq, sol mólsherdegi vıtamınderdi boıyna sińire alady degen sóz. Al 3-4 almany olarǵa bir kúnde jegize alýymyz ekitalaı», - deıdi G.Rahmetova.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT