+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Jambyl óńirinde aýany lastaıtyn kóliktermen kúres kúsheıtildi

2019 jylǵy 12 qazan 14:32
Bólisińiz:
Jambyl óńirinde aýany lastaıtyn kóliktermen kúres kúsheıtildi

TARAZ. QazAqparat – Jambyl oblysynyń Polıtsııa departamenti aýaǵa zııandy zattar shyǵarý arqyly qorshaǵan ortaǵa zalal keltiretin avtokólikterdi anyqtaý maqsatynda reıd ótkizýde, dep habarlaıdy QazAqparat tilshisi.

Mamandardyń aıtýynsha, búgingi tańda kólikter atmosferany lastaýdyń jáne óńirdegi ekologııalyq jaǵdaıdyń nasharlaýynyń negizgi sebepteriniń biri bolyp tabylady.

Ókinishke oraı, talaptarǵa saı kelmeıtin kólik quraldary áli de kóp. Oblysta ótip jatqan «Taza aýa» jedel-aldyn alý sharasynyń alǵashqy úsh kúninde QR Ákimshilik quqyqbuzýshylyq týraly kodekstiń 334-baby boıynsha 200-den astam júrgizýshi jaýapkershilikke tartylǵany sonyń dáleli. Atalǵan bapqa sáıkes eki aılyq eseptik kórsetkish mólsherinde aıyppul qarastyrylady. Al quqyqbuzýshylyq ekinshi ret qaıtalanǵan jaǵdaıda aıyppul mólsheri bes aılyq eseptik kórsetkishke deıin artady. Sondaı-aq memlekettik nómirdi alyp qoıý kózdelgen.

«Búginde oblys ortalyǵynyń joldarynda qoǵamdyq kólikterdiń sany artýda. Onyń basym bóligi ekologııalyq normalarǵa sáıkes kelmeıdi. Osyǵan baılanysty oblys ákiminiń tapsyrmasyna oraı jedel-aldyn alý sharalary ótýde. Anyqtalyp jatqan buzýshylyqtardyń kópshiligi jolaýshylar avtobýstaryna qatysty bolyp otyr. Sondyqtan qazirgi ýaqytta atmosferaǵa zııandy zattar shyǵaratyn osy sanattaǵy kólikterdi azaıtý boıynsha aýqymdy jumystar júrgizilýde. Júrgizýshilermen qatar avtobýs parkteriniń ıeleri de qatań jaýapkershilikke tartylady», - deıdi oblystyq Polıtsııa departamentiniń basshysy Arman Orazalıev.

Sondaı-aq, atalmysh departament mamandary turǵyndardy óz kólikterińizdi ekologııalyq zańnama talaptaryna sáıkes retke keltirýge shaqyryp, bul baǵyttaǵy jumystar únemi júrgiziletinin eskertti.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT