Jambyl obylysynda 200-ge jýyq ata-ana jaýapkershilikke tartyldy
TARAZ. QazAqparat – Jambyldyq polıtseıler jasóspirimder arasynda profılaktıkalyq reıdter ótkizdi, dep habarlaıdy QazAqparat tilshisi.
Bir apta ishinde ıývenaldy polıtsııa qyzmetkerleri 74 reıd júrgizdip, onyń barysynda ishki ister organdaryna 131 kámeletke tolmaǵan jasóspirim jetkizildi, 196 ata-ana men ózge de eresek adamdar ákimshilik jaýapkershilikke tartyldy. Bul týraly oblystyq polıtsııa departamentiniń baspasóz qyzmeti habarlady.
«Kámeletke tolmaǵan 3 balanyń túngi ýaqytta oıyn-saýyq mekemelerinde bolýyna jol bergeni úshin 2 ákimshi, alkogol ónimderin satý erejeleri týraly QR Zańnamasyn buzǵany úshin 2 dúken ıesi ákimshilik jaýapkershilikke tartyldy. Kámeletke tolmaǵan balalarynyń túngi ýaqytta turǵyn úıden tys jerde bolýyna jol bergen 128 zańdy ókilge ákimshilik hattama jasaldy», - delingen vedomstvo habarlamasynda.
Aptalyq reıd barysynda ІІO-da profılaktıkalyq esepke 1 jasóspirim jáne 2 balasy bar 1 qolaısyz otbasy qoıyldy. Kámeletke tolmaǵandardy beıimdeý ortalyǵyna qańǵybastyǵy úshin 4 jasóspirim, 1 ata-ana quqyǵynan aıyrylǵan zańdy ókil ornalastyryldy.
Jambyl oblysynyń Polıtsııa departamenti ata-analar men zańdy ókilderdiń balalarynyń ómiri men densaýlyǵy úshin jaýapty ekenin, olardy qaraýsyz qaldyrýǵa bolmaıtyndyǵyn, sondaı-aq túngi ýaqytta kóshege nemese oıyn-saýyq oryndaryna jibermeý qajettigin eske salady.
- Karantın: Tarazda 100 adamdyq toı toqtatyldy
- Zańsyz ań aýlaǵan jambyldyq 1,6 jylǵa sottaldy
- Elordada er adam «Tapsyryspen adam óltirý» degen jazýy bar kólikpen júrgen
- Taraz turǵynynyń sómkesinen bir keliden astam geroın tabyldy
-
SQO-da polıtseıler aýyl turǵynynan 1958 jyly shyǵarylǵan myltyq tárkiledi
-
BQO-da 2,4 tonna balyqty zańsyz tasymaldaǵan eki avtokólik ustaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam
