Jambyl oblysynyń Jýaly aýdanyna jańa ákim taǵaıyndaldy
2022 jylǵy 27 maýsym 15:56

Jambyl oblysynyń Jýaly aýdanyna jańa ákim taǵaıyndaldy

JÝALY. QazAqparat –Qazaqstan Respýblıkasy Prezıdenti Ákimshiliginiń jáne aýdandyq máslıxatynyń kelisimimen, Jambyl oblysy ákiminiń ókimimen Jýaly aýdanynyń ákimi bolyp Murtaza Jalǵas Alıjanuly taǵaıyndaldy, dep habarlaıdy QazAqparat.

Oblys ákimi Nurjan Nurjigitov aýdan aktıvine jańa ákimdi tanystyryp, jumysyna sáttilik tilep, birqatar tapsyrmalar júktedi.

Aımaq basshysy aýdannyń áleýetin tımdi paıdalanyp, áleýmettik-ekonomıkalyq kórsetkishterdi arttyrý, ınvestıtsııa tartý, jańa jobalardy júzege asyrý, jumys oryndaryn qurý, kásipkerlik, aýyl sharýashylyǵy jáne basqa da salalardy tıisinshe damytýdyń mańyzdylyǵyn atap ótti.

Sonymen qatar, halyqtyń tabysyn arttyrý, turmysyn jaqsartý, keri baılanysty nyǵaıtý, ózekti máselelerdi barynsha jedel sheshýge den qoıý, qoǵamdyq-saıası ahýaldyń turaqtylyǵyn qamtamasyz etý jolynda júıeli jumys júrgizý kerektigin aıtyp, ol boıynsha aýdannyń jańa ákimine naqty tapsyrmalar berdi.

Óz kezeginde Jalǵas Murtaza artylǵan senimdi aqtaýǵa bar kúsh-jigerin jumsaıtynyn jetkizdi.

Aıta keteıik, Jalǵas Álıjanuly - halyq jazýshysy Sherhan Murtazanyń nemere inisi.

1988 jyly Jambyl oblysy Jýaly aýdanynda týǵan.

L.N.Gýmılev atyndaǵy Eýrazııa ulttyq ýnıversıtetin «memlekettik jáne jergilikti basqarý», M.H.Dýlatı atyndaǵy Taraz óńirlik ýnıversıtetin «qurylys materıaldaryn, buıymdaryn jáne konstrýktsııalaryn óndirý» mamandyǵy boıynsha bitirgen.

Eńbek jolyn 2010 jyly Qurylys jáne turǵyn úı-kommmýnaldyq sharýashylyq isteri agenttiginde sarapshy bolyp bastaǵan.

Ár jyldary Qazaqstan Respýblıkasy Qurylys jáne turǵyn úı-kommmýnaldyq sharýashylyq isteri agenttigi Qarjylyq jumys jáne bıýdjettik josparlaý departamentiniń sarapshysy, bas sarapshysy, Jambyl oblysy ákimi apparatynyń uıymdastyrý-ınspektorlyq bólimindegi oblys ákiminiń bas ınspektory, Jambyl aýdany ákiminiń orynbasary, oblys ákimi apparatynyń óńirlik baqylaý jáne uıymdastyrý-ınspektorlyq jumysy bóliminiń basshysy qyzmetterin atqarǵan.

2021 jyldyń sáýir aıynan bastap Jambyl oblysy ákimdiginiń týrızm basqarmasynyń basshysy laýazymynda eńbek etip keldi.


Jańalyqtar

Úrdis

MURAǴAT