+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Jambyl oblysynyń mektepterinde 210 robototehnıka kabıneti jumys isteıdi

2019 jylǵy 20 qyrkúıek 09:58
Bólisińiz:
Jambyl oblysynyń mektepterinde 210 robototehnıka kabıneti jumys isteıdi

TARAZ. QazAqparat – Jambyl oblysynyń mektepterinde ótken jyly 161 robototehnıka kabıneti ashylsa, aǵymdaǵy jańa oqý jylynda ol kórsetkish 49-ǵa artyp, 210 kabınetke jetti, dep habarlaıdy QazAqparat tilshisi.

Uqsas jańalyqtar
Dúnıejúzilik robottar olımpıadasynan qazaqstandyq oqýshylar qola medal aldy Nur-Sultanda respýblıkalyq STEM-olımpıada bastaldy Qazaqstannyń jas robototehnıkteri Dýbaıda qola medal jeńip aldy

Jyl sońyna deıin taǵy 20 robototehnıka kabınetin ashyp, kórsetkishti elý paıyzǵa jetkizý kózdelip otyr. Bul týraly oblys ákimi Asqar Myrzahmetovtiń tóraǵalyǵymen ótken jıynda aıtyldy. Basqosýda oblystyq Bilim basqarmasynyń basshysy Rahııa Turmaǵanbetova bilim berý mekemelerinde IT-sabaqtardyń jáne robototehnıka úıirmeleriniń uıymdastyrylý barysy týraly baıandady.

Onyń aıtýynsha, bul baǵyttaǵy oqytý sharalaryn úıirmeler jáne tańdaý kýrstary esebinen ınformatıka pánderiniń muǵalimderi júrgizýde. Jalpy, oblys mektepterinde barlyǵy 790 ınformatıka muǵalimi jumys istese, olardyń 62 paıyzy «Robototehnıka negizderi», 46 paıyzy «3D-prıtıng jáne baǵdarlamalaý» taqyryptarynda arnaıy biliktilik kýrstarynan ótken.

«Ótken jyly óńirde daryndy balalarǵa arnalǵan mamandandyrylǵan ІT-lıtseı-ınternat ashylyp, búgingi kúni 7-9 synyptarda 160 bala bilim alýda. Sondaı-aq, aýdandar men Taraz qalasynda byltyr 14 ІT-synyp ashylsa, bıyl ol sandy 50-ge jetkizý josparlanǵan. Budan bólek, bilim basqarmasyna qarasty aqparattyq ortalyqtaǵy shtat sany ońtaılandyrylyp, bıýdjet qarajaty únemdelýde», - deıdi Rahııa Turmaǵanbetova.

Jıynda aımaq basshysy Asqar Myrzahmetov bul baǵytta jumsalatyn bıýdjet qarajatyn tıimdi jumsalýyna kóńil bólip, satyp alynyp jatqan tehnıkalar men jabdyqtardyń sapaly ári zamanaýı bolýyna nazar aýdartty. Sonymen qatar, arnaıy kýrstardan ótken ustazdardyń da bilim sapasy shyn máninde oıdaǵydaı bola bermeıtinin basa aıtyp, osy turǵyda zerdeleý sharalaryn uıymdastyrýdy tapsyrdy. Óńir basshysy ІT-lıtseı men synyptardyń jáne robototehnıka kabınetteriniń paıdalaný tártibi men erejesin bekitý kerektigin jetkizdi.

Aıta keteıik, búginde oblys oqýshylary halyqaralyq, respýblıkalyq robototehnıka boıynsha konkýrstarǵa qatysyp, jyldan-jylǵa jaqsy jetistikterge jetýde. Atap óter bolsaq, sońǵy eki jylda halyqaralyq baıqaýlarda 10 oqýshy jeńimpaz atansa, ótken jyly respýblıkalyq jarystarda - 30, aǵymdaǵy jyldyń bes aıynda 54 oqýshy júldeger atandy. Sondaı-aq, mınıstrliktiń «Aqparattyq taldamalyq ortalyǵy» daıyndaǵan «QR Bilim berý júıesiniń ahýaly men damýy týraly» ulttyq baıandamada orta bilimniń sapasy jáne basqa da túpki nátıjelerdiń ındeksi boıynsha Jambyl oblysy ekinshi oryndy ıelengen.


Bizdiń kanalymyzǵa jazylyńyz:

Basty sózder: Jambyl oblysy, Bilim, Aımaq,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT