Jambyl oblysynyń bas sanıtar dárigeri karantın talaptaryna ózgeris engizdi
2022 jylǵy 28 qańtar 17:50

Jambyl oblysynyń bas sanıtar dárigeri karantın talaptaryna ózgeris engizdi

NUR-SULTAN. QazAqparat – Jambyldyqtar úshin karantın talaptaryna ózigeris engizildi. Jańa qaýly shyqty, dep habarlaıdy QazAqparat tilshisi.

«Jolaýshylar aǵynyn tómendetý jáne halyqtyń kóp jınalýyn boldyrmaý maqsatynda «qarbalas saǵattarda» qoǵamdyq kólik sanyn ulǵaıtý kerek. Ulttyq qurama, klýb komandalary úshin sporttyq jattyǵýlarǵa ruqsat beriledi. (30 adamnan artyq emes, baılanyssyz termometrııa, sporttyq bazalarda turý). Sol sııaqty QR Ulttyq banki jáne qarjy naryǵyn retteý jáne damytý agenttiginiń aktisine sáıkes ýaqyty men sany boıynsha shekteý arqyly qarjy naryǵy sýbektileriniń qyzmetine ruqsat», - dep jazylǵan jańa qaýlyda.

Sondaı-aq, «Ashyq» jobasynyń jumysyna qatysty naqty mindetter kórsetilgen.

«Ashyq» jobasyna qatysatyn obektiler úshin jumys jáne demalys kúnderi ýaqyt boıynsha jumys rejımi belgilenbeıdi. Jobaǵa qatysatyn nysandar úshin qyzmetkerler men kelýshilerde qaýipsiz («jasyl») mártebe bolǵan jaǵdaıda (vaktsınatsııalaý nemese revaktsınatsııalaý, synama alǵan sátten bastap 7 táýlikten aspaıtyn teris nátıjesi bar PTR testi, turaqty medıtsınalyq qarsy kórsetilimderi bar, aýyryp jazylǵan adamdar sońǵy 3 aı ishinde) qyzmetine shek qoıylmaıdy», - delingen qujatta.

Odan bólek, atalǵan oblystyń bas sanıtar dárigeri sala boıynsha quzyrly organdarǵa sanıtarlyq-epıdemologııalyq sharalardy oryndaý mindetin júktedi.

Jáne karantın talaptary men «Ashyq» jobasynyń jumysyn buzǵan azamattar men mekemelerdi zań aıasynda jaýapqa tartý kerektigi aıtylǵan.


Jańalyqtar

MURAǴAT