+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Jambyl oblysynyń 80 jyldyǵyna oraı «Arhıv – tarıh qazynasy» atty kórme ashyldy

2019 jylǵy 20 qarasha 02:30
Bólisińiz:
Jambyl oblysynyń 80 jyldyǵyna oraı «Arhıv – tarıh qazynasy» atty kórme ashyldy

TARAZ. QazAqparat – Taraz qalasynda Elbasynyń «Uly Dalanyń jeti qyry» atty maqalasy aıasynda jáne Jambyl oblysyna 80 jyl tolýyna oraı «Arhıv – tarıh qazynasy» atty foto-qujattar kórmesiniń ashylý saltanaty ótti, - dep habarlaıdy QazAqparat tilshisi.

Uqsas jańalyqtar
Elordada «Sahnager-2019» Ulttyq teatr syılyǵynyń saltanatty marapattaý rásimi ótedi Almatyda Serke Qojamqulov týraly derekti fılmniń tusaýkeseri ótti «Muzbalaq» Izraılde «Úzdik anımatsııalyq fılm» júldesin jeńip aldy

Oblystyq kórme zalynda ótken sharany saltanatty túrde oblys ákiminiń orynbasary Sulýshash Qurmanbekova ashty. Ol óz sózinde oblystyń 80 jyldyq tarıhyna toqtala kelip, sol tarıhty saqtaıtyn arhıvtiń jumysy kózge kórine bermeıtin, biraq tyńǵylyqty isi kóp mekeme ekenin atap ótti. Sondaı-aq bul jumystardyń basy-qasynda júrip, 20-ǵa jýyq arhıv qujattary negizinde kitap jazǵan, kúni keshe dúnıeden ótken jazýshy-jýrnalıst Maqulbek Rysdáýlettiń eńbegi eren ekenin aıtyp, eske alýǵa arnalǵan bir mınýttyq únsizdik jarııalady.

Kórmede arhıvte saqtalǵan oblystyń tynys tirshiliginen derek beretin jergilikti basylymdardyń foto korrespondentteriniń sýretteri qoıyldy. Arnaıy jasalǵan 10 bólimnen turatyn stendterde negizinen oblystyq burynǵy «Eńbek týy», «Znamıa trýda» gazetterinde foto-tilshi bolǵan Orlık Kım men Tileýmaǵambet Elemisovtiń esh jerde jarııalanbaǵan 100-ge jýyq fotosýretteri kórinis tur. Oblystyń áleýmettik, ekonomıkalyq jáne mádenı turǵydan damýyna eńbegi sińgen arhıv qoryndaǵy 80 adamnyń jeke tektik qujat kóshirmeleri, foto-albomdar da kópshilik nazaryna usynyldy.

Kórmeni oblys ákimdiginiń mádenıet, arhıvter jáne qujattama basqarama basshysynyń orynbasary Sara Madıeva júrgizip, arhıvtiń bólim basshysy Nazym Qojamjarova kórme jumysymen tanystyrdy.

«Sýret - tarıh aınasy. Sondyqtan da urpaq úshin óte qajet. Mundaǵy barlyq sýretter qundy. Ótkenimiz ben búginimizdi aıshyqtaıtyn foto derekterdiń bári biz úshin qymbat. 1939 jyly Jambyl oblysy qurylǵannan keıin onyń túrli saladaǵy qyzmetin atqaratyn oblystyń mekemeleri de jasaqtaldy. Sonyń biri Jambyl oblysynyń tarıhyn jınaqtap, saqtap otyrǵan qara shańyraq – oblystyq memlekettik arhıvi. Arhıv qyzmetkerleri aıtýly datany atap ótýde ólke tarıhynan syr shertetin foto-qujattardyń kórmesin uıymdastyrýdy jón dep taptyq»,-dedi Nazym Qojamjarova.

Aıta keteıik, kórmege qoıylǵan ár sýrettiń tarıhy berilgen. Qonaqtar tarıhı sátke aınalǵan erekshe sýrettermen tanysyp, kóptegen jańa maǵlumattar ala aldy. Olar óz bilgenderimen de bólisip, aldaǵy ýaqytta kórmeniń aýqymyn, arhıvtiń ǵımaratyn keńeıtý týraly usynystaryn da jetkizdi. Oblystyń seksen jyldyq mereıtoıyna negizdelgen kórme jyl sońyna deıin kópshilik nazaryna usynylmaq.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT