+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

Jambyl oblysynyń 80 jyldyǵy: Jańatasta 70 páterli turǵyn úı paıdalanýǵa berildi

2019 jylǵy 8 jeltoqsan 09:22
Bólisińiz:
Jambyl oblysynyń 80 jyldyǵy: Jańatasta 70 páterli turǵyn úı paıdalanýǵa berildi

TARAZ. QazAqparat – Jambyl oblysynyń 80 jyldyǵyna oraı Jańatas qalasyna 70 páterli turǵyn úı paıdalanýǵa berildi. Jańa qońys toıyn toılaǵandar negizinen kópbalaly jáne turmysy tómen otbasylar, - dep habarlaıdy QazAqparat tilshisi.

Uqsas jańalyqtar
Jambylda bıyl 600-den astam nysan salý josparlanýda Qazaqstanda jedel aýrýhana salý tájirıbesi turǵyn úıde de qoldanylady COVID-19: Nur-Sultandaǵy gospıtaldiń qytaılyq, ózbekstandyq aýrýhanalardan aıyrmashylyǵy túsindirildi

Atalǵan turǵyn úı qurylysyn, jańǵyrtý jumystaryn «Korporatsııa Aqorda» JShS-i júrgizgen. Qonys toıdyń saltanatty jıynynda quttyqtaý sóz sóılegen aýdan basshysy Qanatbek Mádibek «Qoljetimdi baspana», «Nurly jer» baǵdarlamalary aıasynda shaǵyn qalada kópqabatty turǵyn úıler qaıta jańǵyrtylyp, paıdalanýǵa berilýi jolǵa qoıylǵandyǵyn tilge tıek etti.

«Turǵyn úı máselesin sheshý jolynda turǵyndardy, ásirese jaǵdaıy tómen otbasylary men múmkindigi shekteýli azamattardy turǵyn úımen qamtý úshin barlyq múmkindikter qarastyrylýda. Jyl saıyn bos turǵan kópqabatty úılerdi qalpyna keltirip, el ıgiligine berý jumystary jalǵasatyn bolady. Jyl sońyna deıin 1-shaǵyn aýdandaǵy 120 páterli taǵy bir kópqabatty úıdi paıdalanýǵa berýdi josparlap otyrmyz. Jańa qurylystar qala kelbetin jaqsartyp, ajaryna ajar qosýmen qatar, kóptegen otbasynyń baspanaly bolýyna úlken múmkindikter týǵyzýda. Mine, sonyń dáleli retinde uzaq jyldar kezekte turǵan azamattar búgin jańa qonysqa ıe bolyp otyr»,-dedi aýdan ákimi Qanatbek Mádibek.

Búgingi tańda Jańatas qalasynda kommýnaldyq menshiktegi turǵyn úılerden páter alý kezeginde 1958 azamat tizimde tur. Jyldan-jylǵa qala turǵyndarynyń sany kóbeıip keledi desek, osyǵan sáıkes, turǵyn úı kezegindegi turǵandar sany da arta túsýde.

Aıta keteıik, qazirgi oblys ákiminiń bastamasymen óńirde turǵyn úı kezeginde turǵan kópbalaly otbasylarynyń kezegi kelgenshe baspanamen qamtý maqsatynda 612 páterli 11 jataqhananyń qurylysy júrgizilýde. Onyń segizi Taraz qalasynda, úsheýi aýdandarǵa tıesili. Jyl sońyna deıin 478 páterli 9 jataqhanany paıdalanýǵa berý josparlanǵan. Qalǵan 3 jataqhana 2020 jyly tapsyrylamaq. Qazirgi tańda paıdalanýǵa berilgen turǵyn úı kóleminiń jalpy aýmaǵy 217,7 myń sharshy metrdi nemese naqty kólem ındeksi 109,8 paıyzdy quraǵan. Esepti kezeńde oblys boıynsha 18 568 adam turǵyn úı kezeginde tur desek, onyń ishinde 1784-i kópbalaly otbasy.

Bizdiń kanalymyzǵa jazylyńyz:

Basty sózder: Jambyl oblysy, Turǵyn úı, Qurylys,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT