+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Jambyl oblysyndaǵy dári tapshylyǵy: Farmatsevter jaǵdaıdy túsindirdi

2020 jylǵy 12 shilde 08:36
Bólisińiz:
Jambyl oblysyndaǵy dári tapshylyǵy: Farmatsevter jaǵdaıdy túsindirdi

TARAZ. QazAqparat – Jambyl oblysynyń ákimi Berdibek Saparbaev dárihana jelileriniń ókilderimen beınekonferentsııa rejıminde kezdesip, onda dári-dármek tapshylyǵyna qatysty máseleler saralandy, dep habarlaıdy QazAqparat tilshisi.

Uqsas jańalyqtar
Berdibek Saparbaev Tarazdaǵy aýla abattandyrý jumysyn synǵa aldy

«Búgingi tańda dárihanalarda halyq tarapynan joǵary suranysqa ıe dárilik zattardyń belgili deńgeıde tapshylyǵy baıqalýda. Qyzýdy túsiretin jáne vırýsqa qarsy preparattardy tabý qıyn. Qazir qaladaǵy ár dárihananyń aldynan uzyn-sonar kezekti kórýge bolady. Qabyldanǵan sharalarǵa qaramastan, biz bul kórinisten áli aryla almaı otyrmyz», - dep atap ótti Berdibek Saparbaev.


Densaýlyq saqtaý basqarmasynyń basshysy Marat Jumanqulov bul jaǵdaıdy búgingi qalyptasyp otyrǵan epıdemıologııalyq ahýalmen baılanystyrady.

«Ámir jáne D» JShS dırektory Qarlyǵash Qaımoldaevanyń aıtýynsha, seriktestik bazasynda birinshi kezektegi qajetti dári-dármekterdiń birneshe túri óndirilýde. Kúnine 1000-1500 flakon shyǵarylsa, turǵyndar olardy bir kúnde-aq satyp alýda.

Sondaı-aq, «Erko» JShS-niń de dárilik zattardy óndirýge lıtsenzııasy bar.

«Dıfengıdramın, analgın, askorbın qyshqyly, glıýkoza jáne basqa da preparattardy ózimiz jasaımyz. Sońǵy birneshe apta ishinde farmatsevtıka salasy qyzmetkerleriniń júktemesi aıtarlyqtaı ósip otyr. Adamdar ózderin jaqsy sezinse de, úreıge boı aldyryp, dárihanaǵa aǵylýda», - deıdi «Erko» JShS bas menedjeri Irına Ivanova málimdedi.

Farmatsevterdiń aıtýynsha, dárihanalardaǵy eki aılyq dári-dármekter qoryn turǵyndar bir apta ishinde-aq satyp alýda.


Berdibek Saparbaev jaýapty vedomstvolarǵa dári-dármekter óndirisi men jetkizilim kólemin arttyrý boıynsha sheshim qabyldaýdy tapsyrdy.

Sondaı-aq, aımaq basshysy dári-dármekterdiń shekti baǵasynyń kóterilýine jol bermeý týraly tapsyrma júktedi.

Jambyl oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Berik Jarqynbekov mobıldi toptar bul oraıda qadaǵalaý júrgizip otyrǵandyǵyn otyrǵanyn atap ótti.

Kezdesýde «Super pharm» JShS dırektory Qaırat Kaımoldaev sóz alyp, zaýyt medıtsınalyq maskalardy dárihanalarǵa úzdiksiz jetkizýdi qamtamasyz etetinine sendirdi.

«Zaýyt tolyq qýatqa shyǵady, sondyqtan maskalar tapshylyǵy bolmaıdy. Olardyń baǵalaryn retteý máselesi pysyqtaldy. Dárihanalardaǵy maskalardyń ortasha quny shamamen 80 teńge. Biz bul jaǵdaıdan shyǵýdyń jolyn birge tabýymyz kerek. Barlyq múmkindikti paıdalanyp, ońtaıly sheshim qabyldaý qajet», - dep túıindedi Berdibek Saparbaev.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT