+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Jambyl oblysynda jyl basynan beri 14 bala terezeden qulap ketken

2021 jylǵy 25 qyrkúıek 07:28
Bólisińiz:
Jambyl oblysynda jyl basynan beri 14 bala terezeden qulap ketken

TARAZ. QazAqparat – Jambyl oblysynda balalardyń bıikten qulaý derekteri jıilegen. Bul týraly ÓKQ baspasóz alańynda Jambyl oblystyq TJD tótenshe jaǵdaılardyń aldyn alý basqarmasynyń bastyǵy, azamattyq qorǵaý polkovnıgi Talǵat Aıtbaev aıtty, dep habarlaıdy QazAqparat tilshisi.

«Balalardyń tereze aldyna shyǵyp ketýine múmkindik týǵyzatyn jıhazdardy ol tustan qashyqqa qoıǵan abzal. Úı ishinde qaýipsizdik sabaqtaryn ótkizý artyqtyq etpeıdi. Ásirese, úlkenderimiz kishkentaı búldirshinderge qamqor bolýdy úıregeni jón. Balalar terezeni óz betterinshe ashpas úshin onda blokırator nemese tutqasyna qulyp ornatý kerek», — dedi spıker.

Ol Jambyl oblysynda jyl basynan beri 14 bala kópqabatty turǵyn úılerden qulaǵanyn málimdedi. Onyń barlyǵy - 2-15 jas aralyǵyndaǵy jetkinshekter.

Atalǵan tótenshe oqıǵalar kezinde 2 jasóspirim kóz jumdy. Bul statıstıka ótken jyldyń osy kezeńimen salystyrǵanda 4 paıyzǵa ósken.

ıAǵnı, byltyr 9 oqıǵa tirkeldi, 6 jasar jetkinshek mert boldy.

T.Aıtbaevtyń aıtýynsha, bıyldyqqa buqaralyq aqparat quraldarynda «Abaılańyz, ashyq tereze jáne balalar!» taqyrybynda 351 materıal jaryq kórgen.

Sonymen qatar TJ departamenti men aýmaqtyq bólimsheler qyzmetkerleri, JPQ qyzmeti, eriktiler birlesip 21 307 turǵyn úıde, 53 myńnan astam adamnyń qatysýymen túsindirý jumysyn júrgizdi.

Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT