+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Jambyl oblysynda jumyssyzdyq máselesi qalaı sheshilip jatyr

2020 jylǵy 19 tamyz 05:38
Bólisińiz:
Jambyl oblysynda jumyssyzdyq máselesi qalaı sheshilip jatyr

TARAZ. QazAqparat – Jambyl oblysynda jumyspen qamtýdyń belsendi sharalarymen 44 myń adam qamtylǵan. Bul týraly oblys ákimi Berdibek Saparbaev aıtty, dep habarlaıdy QazAqparat tilshisi.

Uqsas jańalyqtar
Elimizde 2,2 mln adamnyń onlaın jumysqa kóshýine múmkindik bar Jumyspen qamtýdyń jol kartasy aıasynda 8 myńǵa jýyq jumys orny ashyldy Shyǵys Qazaqstanda 6 myńnan astam jumys orny ashyldy

Búgingi tańda Jambyl oblysynda jumyspen qamtýdyń belsendi sharalarymen 44 myń adam qamtylǵan, onyń ishinde 37,2 myń adam jumysqa ornalasqan. Berdibek Saparbaevtyń aıtýynsha, eńbek naryǵyna tartylǵandardyń 45 paıyzy jumyssyzdar, 55 paıyzy ózin-ózi jumyspen qamtyǵandar.


«Aǵymdaǵy jyly 20,1 myń jańa jumys ornyn qurý josparlanǵan. Esepti kezeńde jospar 130 paıyzǵa oryndalyp, 26,1 myń jańa jumys orny quryldy, onyń ishinde turaqty jumys oryndarynyń úlesi 63 paıyzdy quraıdy», - dedi aımaq basshysy.


Onyń aıtýynsha, 30,6 myń adam «Eńbek» memlekettik baǵdarlamasynyń qatysýshysy atanǵan. Baǵdarlamanyń eń tıimdi quraldary – mıkrokredıt berý jáne óz isin ashý úshin qaıtarymsyz granttar bólý bolyp tabylady. Atap aıtqanda, 634 jambyldyqqa 2,5 mlrd. teńge kóleminde shaǵyn nesıe berilse, onyń ishinde 590 qaryz alýshy qarajatty asyl tuqymdy mal sharýashylyǵyna baǵyttaǵan. Olarmen 2 mlrd. teńgeniń ónimi óndirilip, bıýdjetke 55,4 mln. teńgeniń salyǵy tólengen. Granttarǵa bólingen 1,8 mıllıard teńge tolyǵymen ıgerilip, oǵan barlyǵy 3 253 adam qol jetkizgen.


«Jumyspen qamtýdyń jol kartasy» aıasynda jalpy somasy 61,2 mlrd. teńgege 831 joba júzege asyrylýda. Barlyq jobalar boıynsha konkýrstyq rásimder aıaqtalyp, 826 joba boıynsha jumys bastalǵan (99,4%). Búgingi tańda bólingen qarajattyń 85 paıyzy ıgerildi.

«Jumyspen qamtýdyń jol kartasyn» júzege asyrýdyń nátıjesinde 87 bilim berý nysany, 54 densaýlyq saqtaý, mádenıet jáne sport, 179 turǵyn úı-kommýnaldyq sharýashylyǵy, 208 ınjenerlik jáne kólik ınfraqurylym nysandary jóndeletin bolady. Qordaı aýdanynda 17 eldi mekenge kógildir otyn tartylyp, 70,1 myń turǵyn gazben qamtamasyz etilmek. Oblys halqyn ortalyqtandyrylǵan aýyz sýmen qamtamasyz etý úlesi 72 paıyzdan 75,4 paıyzǵa deıin artady dep kútilýde. Aıta ketý kerek, jumystardyń basym bóligi aýyldyq eldi mekenderde júrgizilýde», - dedi B.Saparbaev.

Aımaq basshysy memlekettik jáne salalyq baǵdarlamalardy iske asyrý nátıjesinde Jambyl oblysyndaǵy jumyssyzdyq úlesi 4,8 paıyz deńgeıinde saqtalǵanyn atap ótti.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT