Jambyl polıtseıleri jol erejesin buzǵan mektep bitirýshilerdi jaýapqa tartty
2022 jylǵy 29 mamyr 18:41

Jambyl polıtseıleri jol erejesin buzǵan mektep bitirýshilerdi jaýapqa tartty

TARAZ. QazAqparat - Jambyl oblysynda jol erejesin buzǵan túlekterge aıyppul salyndy, dep habarlaıdy QazAqparat.

Óńirdiń tártip saqshylary áleýmettik jelilerde monıtorıng júrgizdi.

Onyń barysynda Turar Rysqulov aýdanynda mektep bitirýshiler mingen kortejdiń jol erejesin buzǵan vıdeolary tabylǵan.

Jol patrýl polıtsııa tobynyń qyzmetkerleri «Toyota Land Cruiser Prado», «Audi 80», «BMW 735», «VAZ 210540» jáne eki «Toyota Camry» markaly kólikterdiń júrgizýshilerin QR ÁQBtK-niń 593-baby boıynsha ákimshilik jaýapkershilikke tartty.

Munyń aldynda shymkenttik polıtseıler jol erejesin buzǵan kólik kortejin jaýapqa tartqan edi.

Sondaı-aq Taraz qalasynda jańa mektep bitirgen túlek avtomobıldi basqara almaı, kóligimen birge kanalǵa túsip ketken.



Avtor:
Tilshi

Jańalyqtar

MURAǴAT