FÝTBOLDAN ÁLEM ChEMPIONATY-2022

Jambyl oblysynda UQShU oqý-jattyǵýlary saltanatty túrde ashyldy

2022 jylǵy 3 qazan, 16:25
Jambyl oblysynda UQShU oqý-jattyǵýlary saltanatty túrde ashyldy

ASTANA. QazAqparat – Qazaqstan aýmaǵynda Ujymdyq qaýipsizdik týraly shart uıymynyń «Ózara is-qımyl», «Іzdeý» jáne «Eshelon» oqý-jattyǵýlary ótip jatyr. Bul týraly QazAqparat QR Qorǵanys mınıstrligine silteme jasap habarlaıdy.

Oqý-jattyǵýlardyń ashylý saltanatyna UQShU Bas hatshysynyń orynbasary Tahır Haırýlloev, UQShU Birikken shtabynyń bastyǵy general-polkovnık Anatolıı Sıdorov, uıymǵa múshe elder qarýly kúshteriniń ókilderi qatysty.

QR Qorǵanys mınıstriniń birinshi orynbasary - QR Qarýly kúshteri Bas shtabynyń bastyǵy, general-leıtenant Marat Qusaıynov oqý-jattyǵýlarǵa qatysýshylardy quttyqtaı otyryp, óńirdegi turaqtylyq pen qaýipsizdikti qamtamasyz etý isindegi jáne qatysýshy memleketterdiń áskerı qyzmetshileriniń kásibı sheberligin arttyrýdaǵy uıymnyń mańyzyn atap ótti.


«Ujymdyq qaýipsizdik týraly shart uıymyna múshe elder – strategııalyq áriptester men odaqtastar, al aldaǵy oqý-jattyǵýlar áskerı qyzmetshilerdiń jaýyngerlik sheberligin jáne ujymdyq kúshter bólimsheleriniń úılesimdiligin jetildirý quraly retinde ǵana emes, onymen qosa tıimdi halyqaralyq áskerı yntymaqtastyqty, tájirıbe almasý baǵytyndaǵy is-qımyldy jetildirý úlgisi», - dedi general-leıtenant Marat Qusaıynov.

Buǵan deıin habarlaǵanymyzdaı, 26 qyrkúıek pen 8 qazan aralyǵynda Jambyl, Almaty oblystarynda UQShU ujymdyq jedel den qoıý kúshteriniń «Ózara is-qımyl-2022», «Іzdeý-2022» jáne «Eshelon-2022» oqý-jattyǵýy ótedi. Oqý-jattyǵýlardyń belsendi kezeńi 3-7 qazan aralyǵyna keledi.


Foto : gov.kz






Uqsas jańalyqtar
Seriktester jańalyqtary

Jańalyqtar