+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Jambyl oblysynda Tasótkel sý qoımasynyń syıymdylyǵy arttyrylýy múmkin

2020 jylǵy 11 tamyz 13:18
Bólisińiz:
Jambyl oblysynda Tasótkel sý qoımasynyń syıymdylyǵy arttyrylýy múmkin

TARAZ. QazAqparat –Jambyl oblysy Shý aýdanyndaǵy «Tasótkel» sý qoımasynyń syıymdylyǵyn 1 mıllıard tekshe metrge deıin ulǵaıtý kózdelýde. Bul týraly aımaq basshysy Berdibek Saparbaev atalǵan aýdanda sý qoımasynyń jaı-kúıimen tanysý barysynda aıtty, dep habarlaıdy QazAqparat tilshisi.

Aǵymdaǵy vegetatıvti maýsymda sharýalar sýarý sýyna qatysty qıyn jaǵdaıdy bastan ótkerýde. Ózender taıaz bolyp, qoımalarynda sýdyń az mólsheri jınalǵan. Bul, shamamen 200 mıllıon tekshe metr ylǵal jınalǵan Shý aýdanyndaǵy Tasótkel sý qoımasynyń tehnogendik rezervýaryna da qatysty.

Degenmen, «Qazsýshar» RMK oblystyq fılıalynyń basshysy Qazybek Bedebaevtyń aıtýynsha, bul aǵymdaǵy jyly jergilikti sharýashylyqtardyń qajettilikterin qanaǵattandyrý úshin jetkilikti bolýy tıis. Búginde munda bógetti seısmıkalyq turǵydan nyǵaıtý jáne qoımaǵa ylǵal artyǵymen tolǵan jaǵdaıda avarııalyq sý aǵyzý júıesin qurý boıynsha jumystar júrgizý josparlanyp otyr.

Alaıda, oǵan áli erte. Óıtkeni, syıymdylyǵy 620 mıllıon tekshe metr bolatyn qoımaǵa ylǵal mol bolǵan jyldardyń ózinde 540 mıllıon tekshe metr sý jınalǵandyǵy baıqalǵan. Oǵan qosa, atalǵan joba óte qymbat, quny 1,9 mıllıard teńgege baǵalanýda.

«Eger qoımada kóp mólsherde sý bolmasa, onda avarııalyq sý aǵyzý nege kerek? Qazir biz úshin eń bastysy – ylǵaldyń múmkindiginshe kóp mólsherde saqtalýyn qamtamasyz etip, sý máselesinde kórshilerge degen táýeldilikti joıý. Sondyqtan máseleni aýqymdy túrde sheshý kerek», - dedi aımaq basshysy.

Onyń pikirinshe, Tasótkel sý qoımasynyń syıymdylyǵyn 1 mıllıard tekshe metrge deıin ulǵaıtý baǵytynda jobany qaıta qaraý qajet. Ol sýarmaly jerlerdiń kólemin edáýir arttyrýǵa múmkindik bermek. Bul mol ónim jınaý, jańa jumys oryndaryn qurý jáne jambyldyqtardy óz azyq-túligimen qamtamasyz etýge múmkindik beredi. Kóktemgi sý tasqyny kezde qumǵa sý jibermes úshin, rezervýardyń túbin tazalap, bógettiń qabyrǵasyn bıiktetý kerek. Óńir basshysy eskızdik jospardy ázirleý úshin jobalaýshylardy shaqyrýdy tapsyrdy.

Sondaı-aq, Berdibek Saparbaev quny 1,6 mıllıard teńge bolatyn «A&T energo» kompanııasynyń sý elektr stantsııasynyń ekinshi kezeńiniń qurylys barysymen tanysty. Ol joba boıynsha stantsııa qýattylyǵy 4,6-dan 9,2 MVt-qa deıin eselenbek. Búgingi kúni óndiriletin energııa Jambyl elektr jelileri júıesine jiberiledi desek, al energetıkalyq kompanııa jyl saıyn aýdandyq bıýdjetke 100 mıllıon teńgege deıin aýdarady.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT