+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Jambyl oblysynda sybaılas jemqorlyqqa beıim salalar anyqtaldy

2019 jylǵy 6 jeltoqsan 17:22
Bólisińiz:
Jambyl oblysynda sybaılas jemqorlyqqa beıim salalar anyqtaldy

TARAZ. QazAqparat – Jyl basynan beri Jambyl oblysyndaǵy arhıtektýra, qurylys, turǵyn-úı kommýnaldyq sharýashylyq salalarynda 13 sybaılas jemqorlyq qylmysy tirkelgen, dep habarlaıdy QazAqparat tilshisi.

Uqsas jańalyqtar
LRT isi: Elorda ákiminiń burynǵy orynbasaryna izdeý jarııalandy Saryaǵashta aýdandyq sottyń sýdıasy para aldy degen kúdikke ilindi Áskerı polıtsııa basqarmasynyń bastyǵy 1 mln teńge para alyp jatqan jerinde ustaldy

Óńirdegi sybaılas jemqorlyq táýekelderine jáne sot-tergeý tájirıbesine júrgizilgen taldaý kórsetkendeı, memlekettik organdardyń ishinde sybaılas jemqorlyq keńinen taralǵan salalar – arhıtektýra, qurylys, turǵyn-úı kommýnaldyq sharýashylyǵy jáne osy salalardy qamtıtyn memlekettik baqylaý.

QR Sybaılas jemqorlyqqa qarsy is-qımyl agenttigi Jambyl oblysy boıynsha departamenti basshysynyń orynbasary Arman Rahımovtyń aıtýynsha, atalǵan salalarda sheneýnikter tarapynan tapsyrylǵan bóten múlikti ıemdenip alý nemese talan-tarajǵa salý, laýazymdyq ókilettikti teris paıdalaný, para alý sııaqty qylmystar jıi jasalady.

«Bıyl tirkelgen 13 qylmystyń 9-y - qurylys, 3-i - arhıtektýra, bireýi - turǵyn-úı kommýnaldyq sharýashylyǵyna tıesili. Bul oraıda bir nárseni atap ótý qajet - qurylys jáne turǵyn-úı kommýnaldyq sharýashylyq salalary mıllıardtaǵan bıýdjet qarajaty shoǵyrlanǵan «Nurly jer», «Nurly jol» «Bıznestiń jol kartasy – 2020» jáne «2020 jylǵa deıin aımaqtardy damytý» memlekettik baǵdarlamalarynyń júzege asyryp otyr»,-dedi A.Rahımov.

Aıta keteıik, aıyptaý qorytyndysymen esepti kezeńde sotqa Merki aýdany ákimdiginiń turǵyn-úı kommýnaldyq sharýashylyǵy, jolaýshylar kóligi jáne avtomobıl joldary bólimi basshysynyń mindetin ýaqytsha atqarýshy Á. Ásilbaıulyna qatysty sotqa deıingi tergeý qujattary joldanǵan. Ol óziniń laýazymdyq ókilettigin teris paıdalana otyryp, jobalyq-smetalyq qujattardy qajetti saraptamasyz, joǵary baǵamen qabyldaǵan.

«Á. Ásilbaıuly «Sýleımenova» jeke kásipkerligine 210 myń tenge jáne «Moıynqum qurylys» JShS-ne 3 mıllıon teńge qarajatty zańsyz aýdarǵan. Memleketke keltirilgen zalal - 3,2 mıllıon teńge. Sottyń úkimimen Ásilbaıulyna 3 jyl 6 aı bas bostandyǵyn shekteý jazasy taǵaıyndalǵan»,- dedi departament basshysynyń orynbasary.

Sonymen qatar, Taraz qalasy ákimdiginiń arhıtektýra jáne qala qurylysy bóliminiń basshysy bolǵan I.Bekejanovqa qatysty qylmystyq istiń de núktesi qoıylǵan. Ol 2016-2017 jyldar aralyǵynda óziniń laýazymdyq ókilettigin teris paıdalanyp, Taraz qalasynyń 30 turǵynyna zańsyz jer telimderin bólgen. Zalal somasy - 23,1 mıllıon teńgeni quraǵan. Sottyń úkimimen Bekejanovqa 4 jyl 6 aı bas bostandyǵyn shekteý jazasy taǵaıyndaldy.

Sondaı-aq, atalǵan departament bıyl oblys ákimdiginiń tabıǵı resýrstar jáne tabıǵat paıdalanýdy retteý basqarmasynyń laýazymdy birqatar tulǵalaryna qatysty bıýdjet qarajatty talan-tarajǵa salý deregi boıynsha qozǵaǵan qylmystyq is tergeýmen aıaqtalǵan. Bul oraıda memleketke keltirilgen zalal 16 mıllıon teńgeden asqan.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT