+7 (701) 759 90 19
USD 419.87 EUR 508.04
RUB 5.7 CNY 65
Jańalyqtar

Jambyl oblysynda sońǵy eki jylda paraqorlyqtyń 110-nan astam faktisi tirkeldi

2021 jylǵy 17 qańtar 14:28
Bólisińiz:
Jambyl oblysynda sońǵy eki jylda paraqorlyqtyń 110-nan astam faktisi tirkeldi

TARAZ. QazAqparat – Sońǵy 2 jyl ishinde Jambyl oblysy boıynsha Sybaılas jemqorlyqqa qarsy qyzmet para berýdiń 113 deregin tirkedi, dep habarlaıdy QazAqparat tilshisi.

Qazaqstanda sybaılas jemqorlyqqa qarsy pármendi tetikterdi qalyptastyrý boıynsha júıeli sharalar qabyldanýda. Osy turǵyda Jambyl oblysynda tıisti jumystar óz deńgeıinde júzege asýda. Bul týraly QR Sybaılas jemqorlyqqa qarsy is-qımyl agenttiginiń Jambyl oblysy boıynsha departament basshysy Ádilhan Áshirbaev aıtyp berdi.

«2020 jyly Memleket basshysy sybaılas jemqorlyqqa qarsy is-qımyldyń tıimdiligin odan ári arttyrýǵa baǵyttalǵan birqatar tujyrymdamalyq sharalar kózdeıtin Zańǵa qol qoıǵan bolatyn. Atalǵan Zańda Memleket basshysynyń 1 qyrkúıektegi Qazaqstan halqyna Joldaýynda aıtylǵan sybaılas jemqorlyq qylmystar úshin jazany qatańdatý jáne oǵan qarsy is-qımyldyń jańa quraldaryn engizý týraly tapsyrmalary iske asyrylǵan», - deıdi departament basshysy.

Onyń aıtýynsha, agenttik pen onyń aýmaqtyq departament ókilderi ótken jyldyń sońynda qabyldanǵan - qylmystyq protseste azamattardyń quqyqtaryn qorǵaýdy jáne sybaılas jemqorlyqqa qarsy is-qımyldy kúsheıtý máseleleri týraly zańnamalyq ózgeristerdi jan-jaqty túsindirgen.

«Sońǵy 2 jyl ishinde Jambyl oblysy boıynsha Sybaılas jemqorlyqqa qarsy qyzmet para berýdiń - 113, paraqorlyqta deldal bolýdyń - 79, bıznes jumysyna quqyqqa qaıshy aralasýdyń 34 deregi tirkelgen. Ótken jyldyń 1 qyrkúıegindegi Memleket basshysynyń Qazaqstan halqyna Joldaýynda para berýshiler men deldaldardyń jaýapkershiligin kúsheıtý tapsyryldy. Bul tásil halyqaralyq ozyq tájirıbege tolyq sáıkes keletinin atap ótken jón. Laýazymdy adamdardy paraǵa satyp alýmen ádeıi aınalysatyn, ne zańsyz syıaqy berý kezinde deldal bolǵan adamdar, eleýli qylmystyq jaýaptylyqta bolýǵa tıis», - deıdi Á.Áshirbaev.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT