+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Jambyl oblysynda polıtsııa zań buzǵan azamattyń kóligine oq atty

2020 jylǵy 17 aqpan 13:04
Bólisińiz:
Jambyl oblysynda polıtsııa zań buzǵan azamattyń kóligine oq atty

TARAZ. QazAqparat – Polıtsııa qyzmetkerleri júrgizýshisi eskertýge qulaq ilmeı, qashyp ketpekshi bolǵan kóliktiń dońǵalaǵyna oq atýǵa májbúr boldy, dep habarlaıdy QazAqparat óńirdiń polıtsııa departamentiniń baspasóz qyzmetine silteme jasap.

Uqsas jańalyqtar
Elordada polıtseı otqa oranǵan páterden áıel adamdy alyp shyqty Frantsııada bilgisiz bireý adamdarǵa pyshaqpen shabýyldap, 2 adamdy mert qyldy Jambyl oblysynda karantın sharttary kúsheıtildi

Jambyl oblysy Qarataý qalalyq Polıtsııa departamentiniń patrýldik polıtsııa bataonynyń qyzmetkerleri «BMW» markaly kólikti jaryq shamdarynyń talapqa saı bolmaýyna balanysty toqtatqan. Qujattardy tekserý barysynda júrgizýshiniń kólik quralyn basqarýǵa quqy joq ekeni anyqtaldy. Polıtseıler júrgizýshiniń kólikten shyǵýyn suraǵan. Alaıda er adam olardyń talabyna qulaq aspaı, qashyp ketpekshi bolǵan. Tártip saqshylary joǵary jyldamdyqpen kólik tizgindep, jolda qaýipti jaǵdaı týdyrǵan ereje buzýshyny qýyp bara jatyp aýaǵa oq atýǵa májbúr bolǵan. Alaıda, zań buzýshy polıtsııanyń eskertýin elemeı kete bergen. Tártip saqshylary kólikti dońǵalaǵyna oq atyp, toqtatqan. Kóliktiń salonynda eki jolaýshy bolǵan. Tártip buzýshy azamat medıtsınalyq tekserýden ótip, onyń mas bolǵany anyqtaldy.

Oǵan qatysty QR Ákimshilik quqyqbuzýshylyq týraly kodekstiń 7-bóligi 590-baby ( Kólik quraldaryn paıdalaný qaǵıdalaryn buzý), 595-baby 1-bóligi (Manevr jasaý qaǵıdalaryn buzý), 601-baby 1-bóligi (Jol belgilerimen nemese joldyń júrý bóligindegi tańbalarmen kórsetilgen talaptardy saqtamaý), 606-baby 1-bóligi (Jol júrisine qatysýshynyń jol júrisi qaǵıdalaryn apatty jaǵdaı týǵyzýǵa ákep soqqan buzýshylyǵy), 608-baby 1-bóligi (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý), 612-baby 1-bóligi (Qujattary joq jáne basqarý quqyǵy joq adamnyń kólik quralyn basqarýy), 613-baby 1-bóligi (Іshki ister (polıtsııa) organdary qyzmetkeriniń talaptaryn oryndamaý) boıynsha is qozǵaldy.

Sottyń úkimimen 31 jastaǵy zań buzǵan azamat jeti jylǵa kólik quralyn júrgizý quqyǵynan aıyryldy jáne 15 táýlikke ákimshilik qamaýǵa alyndy.


Bizdiń kanalymyzǵa jazylyńyz:

Basty sózder: Jambyl oblysy, Oqıǵa, Zań,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT