+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jambyl oblysynda nan qymbattady

2019 jylǵy 4 aqpan 15:58
Bólisińiz:
Jambyl oblysynda nan qymbattady

TARAZ. QazAqparat - Aǵymdaǵy jyldyń 4 aqpanynda Taraz qalasy men aýdandarda bólke nannyń baǵasy 65 ten 70 teńgege, ıaǵnı 5 teńgege qymbattady.

Bul týraly oblys ákimi baspasóz qyzmetiniń uıymdastyrýymen ótken brıfıngte oblystyq aýyl sharýashylyǵy basqarmasynyń basshysy Berik Nyǵmashev BAQ ókilderine málimdedi, dep habarlaıdy QazAqparat.

Berik Nyǵmashev Jambyl oblysynda nan baǵasy 2016 jyldyń 19 tamyzynan beri turaqty bolǵanyn jetkizdi.

Onyń aıtýynsha, byltyrǵy jyldyń 5 qazanynan bastap Taraz qalasynyń naýbaıhanalary un baǵasynyń kóterilýine baılanysty nan baǵasyn 10 teńgege kóterý jóninde ákimdikke birneshe ret hat joldanǵan. Osyǵan oraı oblys ákimi Asqar Myrzahmetovtyń tikeleı tapsyrmasymen 2018 jyldyń 19 qarashasynda jumysshy top qurylyp, un men bıdaı naryǵyna taldaý júrgizilgen.

«Júrgizilgen taldaý nátıjesine sáıkes, turǵyndardyń kirisin, naýbaıhanalardyń qarjylyq jaǵdaıyn, kórshiles óńirlerdegi nan baǵasynyń deńgeıin jáne turaqtandyrý qordan 100 mln. teńgeden astam kútiletin shyǵyndardy eskere kele, aǵymdaǵy jyldyń 21 qańtarynda oblys ákiminde naýbaıhanalardyń qatysýymen ótken otyrys barysynda nan baǵasyn 5 teńgege kóterý jóninde sheshim qabyldandy. Nan baǵasyn 10 teńgege kóterý jónindegi naýbaıhanalardyń ótinishteri taldanyp, 5 teńgege ǵana kóterýge negizi bar ekeni dáleldendi. Bul qadam naýbaıhanalardaǵy óndiristik áleýetti, sondaı-aq nannyń sapasyn saqtaýǵa múmkindik beredi»,- deıdi Berik Bolatuly.

Basqarma basshysy keltirgen málimetterge qaraǵanda, Taraz qalasynda bólke nannyń baǵasy 70 teńgeden aspaıdy jáne orta eseppen respýblıka boıynsha eń tómengi bolyp qala bermek. Al, bir bólke nannyń respýblıkadaǵy eń joǵarǵy baǵasy 94 tenge, ortasha baǵasy 78 teńgeni quraıdy. Oblystyq turaqtandyrý qory áleýmettik dúńgirshektermen iri saýda oryndary arqyly bólke nandy 55 teńgeden ótkerýdi jalǵastyra bermek.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT