+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Jambyl oblysynda muqtaj eki otbasyǵa aýyldastary asarlatyp úı salyp berdi

2020 jylǵy 5 jeltoqsan 12:52
Bólisińiz:
Jambyl oblysynda muqtaj eki otbasyǵa aýyldastary asarlatyp úı salyp berdi

TARAZ.QazAqparat – Jambyl oblysy Baızaq aýdanynda muqtaj eki otbasyǵa aýyldastary asarlatyp úı salyp berdi, dep habarlaıdy QazAqparat tilshisi.

Oblysta júzege asyp jatqan «Asarlatyp úı salý» jobasy aıasynda paıdalanýǵa berilip jatqan turǵyn úılerdiń qataryna taǵy da eki úı qosyldy. Atap aıtsaq, Baızaq aýdany Qarasý aýylyndaǵy kópbalaly otbasy Qoıshybaevtar januıasy qonys toıyń toılady. Oǵan aýyldastary atalǵan joba aıasynda asarlatyp úı salyp berdi.

Baızaq aýdany boıynsha atalmysh joba arqyly paıdalanýǵa usynylǵan onynshy baspananyń kiltin tapsyrý saltanatyna aýdan ákimi Nurjan Nurjigitov arnaıy kelip, ıgilikti iske atsalysqandarǵa alǵysyn aıtyp, qonys toı ıelerin quttyqtady.

Qarasý aýylyndaǵy Abdrahmanov kóshesi №32 úıdiń turǵyny, kópbalaly, az qamtylǵan otbasy Qoıshybaevtardyń qýanyshynda shek joq. Tórt bólmeli, keń ári jaıly úı zamanaýı úlgide salynǵan. Ol úshin birqatar jeke kásipker men sharýa qojalyq ıeleri qarjylaı qoldaý bildirse, kórshileri qol kómegin tıgizgen. Tipti, qorasyna qoı ákep, qaıyrymdylyq qylǵandar da joq emes.


Shara sońynda joba aıasynda turǵyn úı qurylysyn salýǵa belsendi atsalysqan birqatar aýyl turǵyndary aýdan ákiminiń, aýdandyq máslıhat hatshysynyń jáne «Nur Otan» partııasy aýdandyq fılıaly tóraǵasynyń, Sýhanbaev aýyldyq okrýgi ákiminiń alǵys hattarymen marapattaldy.

Sondaı-aq, bul kúni aýdannyń Kóktal aýylynda kópbalaly Madatovtar otbasy da joba arqyly úıli boldy. Talaı jyl páterden-páterge kóship, baspana taýqymetin kóp tartqan otbasy músheleri ıgi iske atsalysqan demeýshiler men aýyldastaryna dán rıza.

Aýyldyq aqsaqaldar alqasynyń tóraǵasy Jumabek Rápilbekov pen aýyl qarııasy Dosmahan Orazbaev ata-babadan qalǵan dástúrdi qaıta jandandyrǵan oblys pen aýdan basshylyǵyna, ıgi iske qoldaý kórsetken azamattarǵa alǵysyn bildirse, qýanysh ıesi Quralbaı Madatov turǵyn úıdiń qurylysyna demeýshilik jasap, qoldaý kórsetken aýyldaǵy aǵaıynǵa, jeke kásipkerler men eriktilerge shynaıy rızashylyǵyn jetkizdi.


«2012 jyly Ózbekstannan ata qonysqa kóship keldik. Quralbaı aǵa 2018 jylǵa deıin Shymkent qalasy mańynda, sodan bertin kele Taraz qalasyna, keıinnen Kóktal aýylyna qonys aýdardyq. Baspana taýqymetin neshe jyldar boıy tarttyq. Jubaıym ekeýmiz tórt balamen páterden páterge aýysyp ómir súrip keldik. Sońǵy bir jyldyń ishinde úsh márte páter aýystyrdyq. Al endi óz úıimiz bolady. Biz úshin bul tamasha tartý»,- deıdi otaǵasy Quralbaı Madatov.




Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT