+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jambyl oblysynda maslıhattyń burynǵy depýtatyna nesıeni zańsyz alyp, maqsatsyz paıdalandy degen aıyp taǵylyp otyr

2009 jylǵy 4 qarasha 14:44
Bólisińiz:

ASTANA. Qarashanyń 4-i. QazAqparat /Rýslan Ǵabbasov/ - Jambyl oblysynda maslıhattyń burynǵy depýtatyna nesıeni zańsyz alyp, maqsatsyz paıdalandy degen aıyp taǵylyp otyr.

Osy jaıynda búgin Astanada aptalyq brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti, dep habarlaıdy QazAqparat.

«Jambyl oblysynda oblystyq maslıhattyń burynǵy depýtaty M. Tazabekov pen onyń týystarynan turǵan toptyń qylmystyq qyzmeti áshkerelendi. Olarǵa nesıeni zańsyz alyp, maqsatsyz paıdalandy, zańsyz jolmen alynǵan qarajatty zańdastyrdy jáne jalǵan kásipkerlikpen aınalysty degen aıyptar taǵyldy», dedi resmı ókil.

M. Jumanbaıdyń aıtýynsha, M. Tazabekovtiń ózi qurǵan birqatar jalǵan kásiporyndar arqyly «Damý» qorynan jalpy kólemi 272 mln.teńgeniń memlekettik nesıelerin alyp, olardy maqsatsyz paıdalanǵany tergeýmen anyqtaldy. Atalmysh aqshalaı qarajat keıin qolma-qol aqshaǵa aınaldyrylyp, zańdastyrylǵan. M. Tazabekov jáne onyń 2 sybaılasynyń isi sotqa tapsyryldy. Zalaldy óteý maqsatynda aıyptalýshynyń quny 360 mln.teńge múlkine paıdalanýǵa tyıym salyndy.

«M. Tazabekov qarjy polıtsııasy qyzmetkerine qylmystyq qýdalaýdy toqtatý úshin 3 mln. 750 myń teńge para bergeni úshin 5 jyl bas bostandyǵynan aıyrýǵa jaýapqa tartyldy», dedi resmı ókil.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT