+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Jambyl oblysynda koronavırýsqa shaldyqqandarǵa arnalǵan statsıonarlar jabylýda

2020 jylǵy 10 tamyz 12:28
Bólisińiz:
Jambyl oblysynda koronavırýsqa shaldyqqandarǵa arnalǵan statsıonarlar jabylýda

TARAZ. QazAqparat – Jambyl oblysynda koronavırýs jáne pnevmonııaǵa shaldyqqan naýqastarǵa arnalǵan statsıonarlar jabylýda. Sońǵy naýqastardyń emdelip shyǵýyna baılanysty ınfektsııalyq jáne provızorlyq aýrýhanalar qalypty jumys rejımine kóshýde, dep habarlaıdy QazAqparat tilshisi.

Óńir ákimdiginiń baspasóz qyzmetinen málim etkendeı, engizilgen karantındik sharalar koronavırýs ınfektsııasy boıynsha epıdemıologııalyq ahýaldy jaqsartýǵa aıtarlyqtaı múmkindik berdi. Oǵan dálel retinde oblysta KVI jáne pnevmonııamen syrqattanýshylyq deńgeıi tómendep jatqanyn aıtýǵa bolady. 10 tamyzǵa deıin Jambyl oblysynda indetke shaldyqqandardyń jalpy sany 3889-di qurady, onyń ishinde 1693-i (43,5%) – koronavırýs belgileri bar, 2196-y (56,5%) – sımptomsyz. Barlyǵy 96 260 PTR-saraptamasy júrgizilgen.

Barlyǵy 3091 adam emdelip, ınfektsııalyq statsıonardan shyǵaryldy. Búginde tósek-oryn qorynyń júktemesi 24,1 paıyzdy quraıdy. Onda 162 adam em alýda. Provızorlyq statsıonarlarda 270 naýqas jatyr. Al 1486 adam úı karantınine oqshaýlanǵan.

Sońǵy patsıenttiń shyǵarylýyna baılanysty 7 tamyzda oblystyq aýrýhana bazasynda ashylǵan 300 tósektik ınfektsııalyq statsıonar jabyldy.

«27 maýsymnan bastap 788 naýqas em aldy. Munda barlyq qajetti medıtsınalyq jabdyqtar, dári-dármekter boldy. Ol naýqastar barynsha sapaly medıtsınalyq kómek kórsetýge múmkindik berdi. Qazirgi ýaqytta mamandar dezınfektsııalyq sharalar júrgizýde. Osy aptadan bastap halyqqa shuǵyl jáne josparly kómek kórsete otyryp, shtattyq rejımde jumys isteýge aýysamyz», - deıdi bas dáriger Abaı Nurjanov.

Sondaı-aq, aǵymdaǵy jyldyń 8 tamyzy kúni 5 naýryz - 18 maýsym aralyǵynda karantındik statsıonar retinde jumys istegen Jambyl oblystyq mamandandyrylǵan ońaltý ortalyǵynyń bazasyndaǵy 150 tósektik ınfektsııalyq statsıonar jabyldy, al 19 maýsymda koronavırýstyq ınfektsııasy bar alǵashqy patsıentterdi qabyldady. Osy jerden 412 adam shyǵaryldy.

8 tamyz 5 naýryzdan 18 maýsymǵa deıin karantındik aýrýhana bolyp jumys istegen Jambyl oblystyq mamandandyrylǵan ońaltý ortalyǵy bazasynda 150 oryndyq juqpaly aýrýhana jabyldy, 19 maýsymda koronavırýs ınfektsııasy bar alǵashqy naýqastar qabyldanǵan bul statsıonardardan 412 adam saýyǵyp shyqty.

Sondaı-aq, eki provızorlyq statsıonar jabylýǵa daıyndalýda. Olardyń biri 250 orynǵa arnalǵan oblystyq ftızıopýlmonologııa ortalyǵynyń bazasynda ornalasqan desek, onda 30 naýqas emdelýdi aıaqtamaq. Sońǵy patsıentti emdeý jáne dezınfektsııalyq is-sharalar aıaqtalǵannan keıin medıtsınalyq uıym jumystyń negizgi profılin oryndaýǵa kirispek.

Oblys aýmaǵynda koronavırýstyq ınfektsııanyń taralýy birshama turaqtanǵanyna qaramastan, turǵyndar áli de maska rejımin, áleýmettik araqashyqtqty, jeke gıgıena men dezınfektsııalyq qaýipsizdik sharalaryn saqtaýy mańyzdy kúıinde qala bermek kerek. Qol alysyp, qushaqtasyp amandasýdan, toılar, saıahattar men kezdesýlerden bas tarta turý – mańyzdy.

Bul qarapaıym, mindetti qaýipsizdik sharalary koronavırýstyq ınfektsııanyń taralýyn edáýir tómendetýi múmkindigin este ustaǵan abzal.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT