+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Jambyl oblysynda qazaq-qyrǵyz shekarasyndaǵy aýyl ınternetpen qamtyldy

2021 jylǵy 21 qańtar 06:35
Bólisińiz:
Jambyl oblysynda qazaq-qyrǵyz shekarasyndaǵy aýyl ınternetpen qamtyldy

TARAZ. QazAqparat – Jambyl oblysynda Qyrǵyzstanmen shekaralas jatqan Qarataý aýyly otandyq uıaly baılanysqa qosyldy, dep habarlaıdy QazAqparat tilshisi.

Uqsas jańalyqtar

Kópten beri osy máseleniń sheshimin kútken aıadaı aýyldyń turǵyndary kórshiles eldiń jelisine qosylyp, sol arqyly týys-týǵannan habar alýǵa májbúr bolyp keldi.

Alaıda, bul turǵyndar úshin tıimsiz edi. Mysaly baılanys quralyndaǵy 1000 birlik tek aman-saýlyq surasýǵa ǵana jetetin.

«Aıshabıbi aýyldyq okrýginen 15 shaqyrymda ornalasqan eldi mekende 850 turǵyn bar. Ózderińiz kórip turǵandaı, aýylymyz Qyrǵyzstan Respýblıkasymen shektesip jatqannan keıin osy eldiń baılanysyn paıdalanyp júrdik. Tipti, aýyldyń barlyǵy osy jelige qosyldyq. Qazirgideı qaryshtap damyp jatqan zamanda otandyq baılanys nelikten qoljetimsiz degen saýal barlyǵymyzdy mazalap kelgen bolatyn. Áıtse de, tileýimiz qabyl boldy. Qazirgi tańda «Ksell» uıaly baılanys operatory ornalastyrylyp, tıimdi tarıftiń raqatyn kórip otyrmyz», – deıdi aýyl qarııasy Nurǵalı Manapov.


Mán-jaıǵa tolymdy jaýap alý úshin okrýg ákiminiń orynbasary Ázimhan Jarlyǵapovpen tildesken edik.

«Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi men uıaly baılanys operatorlary arasyndaǵy yntymaqtastyq týraly memorandým aıasynda 2020 jyly Jambyl oblysynda 46 eldi meken qamtylýy kerek bolatyn. Búgingi málimetke súıensek, 40 aýyl baılanysqa qosylyp úlgerdi. Sonyń ishinde Qarataý aýyly da bar. Búginde qarataýlyqtar baılanysyp qana qoımaı, ǵalamtor jelisiniń de qyzyǵyn kórip otyr», – deıdi ol.

Aıta keteıik, búginde Qarataý aýylynda memlekettik baǵdarlama aıasynda júıeli jumys júrgizilip, turǵyndarǵa qolaıly orta qalyptasýda.

Jambyl aýdanyna qarasty eldi mekenge ótken jyly memlekettik «Jumyspen qamtýdyń jol kartasy» baǵdarlamasy sheńberinde 306 mln teńge bólinip, 110 aýlaǵa aýyz sý tartyldy.

Jergilikti turǵyndardyń kópten kútken kógildir otyn máselesi de sheshimin tabýda. Munan soń kóshe jaryǵy ornatylyp, jol jabyndysy tóselmek.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT