+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Jambyl oblysynda qarasora óńdeıtin zaýyt salynýy múmkin

2020 jylǵy 18 qyrkúıek 03:28
Bólisińiz:
Jambyl oblysynda qarasora óńdeıtin zaýyt salynýy múmkin

TARAZ. QazAqparat – Jambyl oblysynyń Shý aýdanynda quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kezekten tys otyrysy ótti, dep habarlaıdy QazAqparat tilshisi.

Uqsas jańalyqtar
Esirtki jarnamalaǵan Petropavl turǵyny 12 jylǵa sottaldy Atyraýlyq turǵyn jatyn bólmesin jylyjaıǵa aınaldyryp, esirtki ósirgen

Otyrysqa aımaq basshysy Berdibek Saparbaev, oblys prokýrory Nurǵalym Ábdirov, UQK basshysy Marat Irmenov, polıtsııa departamentiniń bastyǵy Janat Súleımenov qatysty.

Aıta ketý kerek, kezdesýge deıin oblys ákimi jabaıy qarasora ósetin úlken alqaptarǵa ıe Shý jáne Merki aýdandarynyń aýmaǵyndaǵy «Qarasora - 2020» jedel-aldyn alý sharasynyń barysymen tanysty.

«Prezıdent Qasym-Jomart Toqaev esirtki taratýǵa qatysty jazany qatańdatýdy tapsyrdy. Quqyq qorǵaý organdary esirtki quraldarynyń zańsyz aınalymyna qarsy turýda, tyıym salynǵan preparattardyń enýine jáne olardy ótkizý faktileriniń jolyn kesýde. Jyl saıyn «Delta-Dolına» esirtki bıznesine qarsy kúres boıynsha aımaqaralyq bólim qyzmetkerleri esirtki tasymaldaýshylardy quryqtaý maýsymyn júrgizedi. Nashaqorlyqtyń aldyn alýǵa erekshe kóńil bólinedi», - dep atap ótti oblys ákimi.

Polıtsııa departamentiniń bastyǵy Janat Súleımenovtiń aıtýynsha, jyl basynan beri 423 esirtki qylmysy tirkelgen, onyń ishinde tyıym salynǵan zattardy satýdyń 82, asa iri mólsherde saqtaýdyń 45, quramynda esirtki bar ósimdikterdi ósirýdiń 22 faktisi bar. Barlyǵy 2,4 tonnadan astam esirtki, onyń 1,9 tonnasy "Qarasora" jedel aldyn alý sharasy aıasynda tárkilengen. Polıtsııanyń kúshimen bir keliden astam geroın men osynsha mólsherdegi sıntetıkalyq esirtki, 55 keli gashıshtiń daıyndalýy men tasymaldanýyna joly kesildi.


Polıtsııa eriktilermen birge úıler men ǵımarattardyń qabyrǵalarynan 550-den astam graffıtıdi jazba joıylyp, ınternettegi 50-den astam saıt buǵattalǵan.

«Jambyl oblysynyń aýmaǵynda júz myń gektardan astam jabaıy qarasora bar. Kannabısti medıtsınalyq maqsatta zertteý jáne paıdalaný qazirgi tańda qarqyn alýda. Basqa elderdiń tıimdi tájirıbesin negizge ala otyryp, kannabısti dárilik maqsattarda paıdalanýǵa múmkindik beretin qaýipsiz jáne tıimdi júıeni qurýdyń ýaqyty jetti dep

oılaımyn. Bul joba óńirdiń áleýmettik-ekonomıkalyq damýyna óz úlesin qosatyny sózsiz», - dedi Berdibek Saparbaev.

Atalǵan jobanyń júzege asýyna ınvestorlar da múddeli. «Zhana Zhol Holding limited» JShS dırektory Aleksandr Kım Jambyl oblysy aýmaǵynda medıtsınalyq kannabıs ósirý men óndirý boıynsha jobasyn usyndy. Ol kannabıstiń óndiristik maqsattaǵy aınalymy jónindegi ózge elderdiń tájirıbesi týraly aıtyp berdi.

Kompanııa ǵylymı-zertteý jumystaryn damytyp, qarasorany ósirý men óndirý baǵytyndaǵy zamanaýı tehnologııalardy engizip, keıin dári- dármek óndirisine qajetti komponentterdi alýdy kózdep otyr. Onyń ústine jergilikti turǵyndar úshin jańa jumys oryndary ashylmaq.

«Óńirdiń klımattyq jaǵdaıy, geografııalyq ornalasýy dárilik zattardyń shıkizatyn zertteýge, qaıta óńdeýge, óndirýge múmkindik beredi»,- dep atap ótti Aleksandr Kım.

Ol jobany 4 kezeńde júzege asyrýdy usynyp otyr. Onyń aıasynda zertteý jumystary júrgizilip, qoldanystaǵy zańnamaǵa ózgerister engizilmek. Sondaı-aq, jańa ekonomıkalyq klaster jasaqtalady.

Berdibek Saparbaev múdelli taraptardyń birlese jumys atqarýy mańyzdy ekenin atap ótti.

«Alǵashqy kezeńde pılottyq jobany júzege asyrý qajet. Osylaısha biz táýekelge jol bermeımiz. Jergilikti memlekettik organdar mınıstrliktermen tyǵyz qarym-qatynasta jumys atqaryp, jobany sozbalańǵa salmaýy kerek», - dep túıindedi Berdibek Saparbaev.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT