+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Jambyl oblysynda erteńnen bastap karantın rejımi engiziledi

2020 jylǵy 8 sáýir 12:18
Bólisińiz:
Jambyl oblysynda erteńnen bastap karantın rejımi engiziledi

TARAZ. QazAqparat – 9 sáýirden bastap Jambyl oblysynda karantın rejımi engiziledi. Búgingi tańda oblys aýmaǵy boıynsha 27 blokpost ornatylǵan, onyń ishinde Taraz qalasynda 7 blokpost qoıylǵan. Olarda polıtsııa, medıtsına jáne áskerı qyzmetshiler qyzmet atqarýda, dep habarlaıdy QazAqparat oblys ákimdigine silteme jasap.

Esterińizge sala keteıik, aımaqta koronavırýsqa qatsty 45 jaǵdaı tirkelgen, onyń ishinde 11 adam shekara beketinen ótkende, al 6 jolaýshy Delıden kelgen áýe reısinen anyqtalǵan. Taraz qalasynda 5 oqıǵa, Qordaı aýdanynda – 18, Merki aýdanynda – 2, Shý, Moıynqum jáne Jambyl aýdandarynda – bir-bireýden tirkelgen.

Osy oraıda, 2020 jylǵy 9 sáýir saǵat 00:00-den bastap Jambyl oblysynyń aýmaǵynda jáne oblystyń barlyq eldi mekenderinen kez kelgen kólik jáne azamattardyń kelýine jáne shyǵýyna tyıym salynady. Tek tómendegi jaǵdaılarda ǵana ruqsat etiledi:

- medıtsınalyq jáne sanıtarlyq-epıdemıologııalyq qyzmet mamandary, avarııalyq-qutqarý jáne kommýnaldyq qyzmetkerler, quqyq qorǵaý organdary;

- farmatsevtıkalyq kompanııalardyń, qyzmettik jáne jeke avtokólikterde otbasy músheleri jáne bóten tulǵalarsyz medıtsınalyq mekemelerdiń jumys isteýin qamtamasyz etetin zerthanalardyń qyzmetkerleri men mamandary:

- kóktemgi egis jáne basqa da aýyl sharýashylyǵy jumystaryn júrgizý úshin qajetti tulǵalar men avtokólik quraldary;

- jerleý rásimi kezinde máıitti tasıtyn 3 kólikten aspaıtyn jáne salt-joralǵylardy atqarý qyzmetkerleri men marqumnyń jaqyndaryn qosqanda 10 adamnan kóp emes tulǵa, tıisti anyqtama qujattary bolǵan jaǵdaıda:

- turǵylyqty jerine oralý úshin keletin/ketetin adamdar jáne medıtsınalyq kórsetkishter boıynsha ketetin jáne keletin tulǵalar;

- jeke tulǵalar men avtokólik quraldary, jedel shtabtyń sheshimine sáıkes (jedel shtab ruqsat berý tártibin anyqtaıdy);

- Taraz qalasynan shyqqan jaǵdaıda medıtsınalyq kartadan úzindi kóshirme boıynsha karantındik oqshaýlaýdan ótken basqa óńirlerdiń turǵyndary men shet memleketterdiń azamattary.

Qoǵamdyq kólikterdiń qozǵalysy kelisilgen kestege sáıkes shekteledi (07:00-den 10:00, 12:00-den 15:00, 17:00-den 20:00-ge deıin). Olarǵa jeke qorǵanysh zattarymen qamtamasyz etilgen jaǵdaıda ǵana ruqsat beriledi.

Taksı qyzmeti arnaıy tirkelgen uıymdarmen, tıisti materıaldyq tehnıkalyq sanıtarlyq gıgıenalyq jaǵdaımen qamtamasyz etilgen avtokólik quraldarynda ǵana kórsetiledi.

Janar-jaǵarmaı quıý stansalary, qarjy ınstıtýttary, bankter, banktiń aıyrbastaý pýnktteriniń shtattyq rejımde jumys isteýine ruqsat etiledi.

Jambyl oblysynyń aýmaǵynda adamdardyń jáne jeke kóliktiń erkin júrip-turýyna tyıym salynady. Teke kelesi jaǵdaılarda ruqsat etiledi: Azyq-túlik taýarlaryn, dárilik preparattardy jáne medıtsınalyq buıymdardy satyp alý; medıtsınalyq kómekke júginý; úı janýarlaryn tirkeý derekteri boıynsha turǵylyqty mekenjaıy mańynda serýendeý, onyń ózinde ýaqytsha, 30 mınýttan aspaý kerek; memlekettik jáne áleýmettik kómek alý maqsatynda memlekettik jáne ózge de mekemelerge barý; kútpegen TJ jáne adamnyń ómiri men densaýlyǵyna qaýip tóndiretin basqa da jaǵdaılar bolǵan jaǵdaıda; kóktemgi egis jáne basqa da aýyl sharýashylyǵy jumystaryn júrgizý úshin (aýyldyq jerlerde).

Bul rette bir otbasy múshelerinen basqa, kámeletke tolmaǵandarǵa eresekterdiń erip júrýinsiz, sondaı-aq jeke qorǵaný quraldaryn paıdalanbaı, onyń ishinde kólik quraldaryn basqarý kezinde 3 adamnan artyq (qoǵamdyq tasymaldaýdy qospaǵanda) otyrǵyzýǵa jáne júrip-turýyna tyıym salynady.

Ákimdikterge jalǵyzilikti qart adamdardy, múgedekterdi qoldaý qyzmetin uıymdastyrý tapsyryldy.

Azyq-túlik sýpermarketterin, azyq-túlik dúkenderin, dárihanalardy, veterınarııalyq dárihanalardy, aýyl sharýashylyǵy tehnıkalaryna arnalǵan avtobólshekterdi satý, aýyl sharýashylyǵy janýarlaryna arnalǵan jem-shópterdi ótkizý oryndaryn qospaǵanda, saýda-oıyn-saýyq ortalyqtarynyń, bazarlardyń, azyq-túlik emes taýarlardyń barlyq saýda nysandarynyń, avtosalondardyń, avtoqosalqy bólshekter satý salondarynyń, gúl pavılondarynyń qyzmeti toqtatyldy.

Dóńgelek jóndeý úshin jeke turǵan bokstardy (ekiden artyq emes), «Qazposhta» bólimshelerin, qonaq úılerdi qospaǵanda, barlyq qyzmet túrlerin kórsetý núkteleriniń qyzmeti toqtatylady.

Qoǵamdyq tamaqtandyrý nysandary tek «tutynýshylarǵa jetkizip berý» qaǵıdaty boıynsha jumysyn saǵat 10-00-den 22-00-ge deıin jalǵastyrady.

Halyqtyń jappaı jınalatyn oryndaryna, onyń ishinde jaıaý serýendeýge arnalǵan oryndarǵa (kóshelerge), saıabaqtarǵa, skverlerge, jaǵalaýǵa, alańdarǵa, balalardyń oıyn alańdaryna, sport alańdaryna jáne qala turǵyndarynyń ózge de demalys oryndaryna kirýge tyıym salynady.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT