Jambyl oblysynda elektr qýaty qymbattady

NUR-SULTAN. QazAqparat – Jambyl oblysynda jaryqtyń baǵasy 3 teńge 91 tıynǵa ósken, dep habarlaıdy «Habar 24».

Biraq tarıf tek memlekettik bıýdjet qarajatynan qarjylandyrylatyn mekemelerge qatysty ózgerip otyr.

Máselen, buǵan deıin árbir bıýdjettik mekeme ónimniń kılovatyna 24 teńgeden tólep kelse, endi 28 teńge kóleminde aınalady. Al mamandar jeke jáne zańdy tulǵalaraǵa qatysty tarıf ózgermeıdi degen boljam aıtyp otyr. Tabıǵı monopolııalardy retteý komıteti qyzmetkerleriniń aıtýynsha, baǵanyń ósýine tasmaldaý qyzmeti áser etken.

«Elektr qýaty naryǵynyń baǵasy 30%-ke qymbattap otyr. Osynyń sebebinen elektr energııasynyń baǵasy 3%-ke kóterilip otyr. Onyń ishinde halyqqa deımiz, tutynýshylarǵa baǵa ózgergen joq. Sol 2019 jyly tólegen aqshasymen tólep otyrady. Jáne ózge de zańdy tulǵalardyń baǵasy ózgermegen», - deıdi Tabıǵı monopolııalardy retteý komıtetiniń oblystyq departamenti basshysynyń orynbasary Baýyrjan Kórpebaev.