+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Jambyl oblysynda dári-dármektiń eki aılyq qory qalyptastyrylýda

2020 jylǵy 17 qyrkúıek 09:10
Bólisińiz:
Jambyl oblysynda dári-dármektiń eki aılyq qory qalyptastyrylýda

TARAZ. QazAqparat – Jambyl oblysynyń ákimi Berdibek Saparbaev «SK-Farmatsııa» JShS qoımasyna arnaıy baryp, koronavırýstyq ınfektsııanyń boljaldy ekinshi tolqynyna ázirlik jumystarymen tanysty, - dep habarlaıdy QazAqparat tilshisi.

Uqsas jańalyqtar
Záýresh Balkenova konsýltatsııalyq-dıagnostıkalyq kómek alý týraly aıtty Túrkistan oblysynda medıtsına qyzmetkerleri marapattaldy Otandyq  farmatsevtıkalyq zaýyt  jylyna 90 mln quty ınektsııalyq eritindi shyǵarady

Qazirgi ýaqytta biryńǵaı dıstrıbıýtor dertke qarsy dári-dármektiń bir aılyq qoryn jasaqtaǵan. 15 qyrkúıekten bastap aýrýhanalarda eki aılyq qajettilikti óteıtin preparattar qoryn ázirleý úshin qyzý tasymaldaý jumystary júrgizilip jatyr. Jalpy quny 245 mln. teńgege tatıtyn joǵary suranysqa ıe dári-dármek túrleri jedel satyp alynýda. Aıta keteıik, qyrkúıek aıynda 285 mln. teńgeniń preparattary ákelindi.

Oblys ákimi maýsym-shilde aılaryndaǵy jaǵdaıdy taǵy bir márte eske saldy. Ol kezderi aýrýhanalar men provızorlyq ortalyqtarda dári tapshylyǵy týyndap, elge qaýip tónip edi. Odan sabaq alyp, qaıta qaıtalamaý kerektigine mán berdi.

«Ótken aptada ótken kezdesý barysynda Memleket basshysy birqatar naqty tapsyrma júktedi. Sonyń ishinde koronavırýstyń boljaldy ekinshi tolqynyna daıyndyq sharalaryna erekshe nazar aýdardy. Bul másele oblys basshylyǵynyń erekshe baqylaýynda. Dári-dármek tapshylyǵy bolmaýy kerek! Turaqty túrde dári - dármekterdiń qolda bar qoryna, shuǵyl qajettiligi bar preparattar boıynsha «qyzyl aımaqtarǵa», sondaı-aq jergilikti jerlerde dári-dármekterge boljamdy qajettilikterine taldaý júrgizý qajet», - dep tapsyrdy aımaq basshysy.

«SK-Farmatsııa» JShS búginde óńirdegi 78 medıtsınalyq uıymmen 673 kelisimshartty bekitken. Onyń jalpy quny 6,7 mlrd teńgege baǵalanyp otyr.

Biryńǵaı dıstrıbıýtor densaýlyq saqtaý nysandarynyń statsıonarlaryna jalpy quny 5,5 mlrd teńge bolatyn dárilik zattar men medıtsnalyq jabdyqtardy jetkizgen eken. Oblystyń ınfektsııalyq jáne provızorlyq ortalyqtaryna koronavırýstyq ınfektsııany emdeýge arnalǵan 709,6 mln teńgeniń 81 túrli dárilik zattary jetkizildi.

«SK-Farmatsııa» JShS Jambyl oblysy boıynsha ókildiginiń tóraǵasy Aıjan Tortaevanyń málimetinshe, antıbakterıaldy preparattardyń 12 túri (jospardyń 96,5 protsenti), antıkoagýlıanttar (113,5 protsent), kortıksteroıdtar (104,6 protsent), sedatıvti preparattar, analgetıkter, mıorelaksanttar, ımmýnodepresanttar men dárýmenderdi (91,5 protsent) tasymaldaǵan.

Tegin kepildendirilgen medıtsınalyq kómek kólemi men mindetti áleýmettik saqtandyrý sheńberinde ambýlatorııalyq deńgeıde 25 medıtsınalyq uıym atynan quny 7,1 mıllıard teńgege tegin dárilik zattardy jetkizý boıynsha aldyn ala ótinish túsken. Suranystyń 98 protsenti qanaǵattandyryldy.

Qazirgi tańda medıtsınalyq uıymdardyń dárihanalarynda 1,3 mlrd. teńgeniń tegin taratýǵa arnalǵan dári-dármekteri bar.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT