+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Jambyl oblysynda bıyl 19 ınvestıtsııalyq joba júzege asyrylady

2020 jylǵy 29 mamyr 04:16
Bólisińiz:
Jambyl oblysynda bıyl 19 ınvestıtsııalyq joba júzege asyrylady

TARAZ. QazAqparat – Jambyl oblysy aýmaǵynda bıyl quny 94,2 mıllıard teńge bolatyn 19 ınvestıtsııalyq jobany júzege asyrý josparlanyp otyr. Bul týraly oblys ákimdigined ótken keńeste aıtyldy, dep habarlaıdy QazAqparat oblys ákimdigine silteme jasap.

Aımaq basshysy Berdibek Saparbaevtyń tóraǵalyǵymen ótken selektorlyq keńeste ınvestıtsııa tartý jáne sheteldik ınvestorlarmen yntymaqtastyqty nyǵaıtý máseleleri saralandy. Basqosýda oblys ákiminiń orynbasary Nurjan Kalenderov baıandama jasady. Ol iri ınvestıtsııalyq jobalarǵa qatysty birneshe mysaldy tilge tıek etti.

«Bıyl jalpy quny 94,2 mıllıard teńge bolatyn 19 ınvestıtsııalyq jobany júzege asyrý josparlanýda. Osy jyldyń tórt aıynyń qorytyndysy boıynsha oblystyń negizgi kapıtalyna salynǵan ınvestıtsııa kólemi 56,2 mlrd teńgege jetken. Bul ótken jyldyń sáıkes kezeńimen salystyrǵanda 4,7 paıyzǵa artyq. Búgingi tańda Qazaqstan men Reseı arasyndaǵy «EýroHım-Qarataý» JShS jobasy aıasynda ınvestıtsııa kólemin ulǵaıtý týraly úkimetaralyq kelisim daıyndalyp jatyr. Sondaı-aq, eki iri kompanııa «Monterra Qazaqstan» JShS men «Qazaq soda» JShS-nyń jobalaryn atap ótkim keledi. Biraq olardy sátti júzege asyrý úshin ınfraqurylymmen qamtý máselelerin sheshý qajet», - dedi N. Kalenderov.

Berdibek Saparbaev «Bıznestiń jol kartasy» baǵdarlamasynyń tıimdiligin paıdalanýdy usyndy.

Agroónerkásip salasynda ınvestıtsııa tartý úshin úlken áleýet bar. «K-agro» JShS kartop frı shyǵaryp, 9 myńnan astam adamdy jumyspen qamtýdy josparlap otyr. Zaýyt «Taraz» hımııalyq parki» arnaıy ekonomıkalyq aımaǵynyń aýmaǵynda ornalaspaq.

Oblys ákimi osy oraıda «Taraz» hımııalyq parki» AEA basshylyǵynyń jumysyna kóńili tolmaıtynyn jetkizdi. Osyǵan oraı AEA qyzmetiniń tıimdiligin baǵalaý úshin ortalyq memlekettik organdarmen birlesip jumys komıssııasyn qurý usynyldy. Sondaı-aq, Nurjan Kalenderov ınvestorlarmen jumys jasaýdyń tutas júıesi qurylyp jatqandyǵyn atap ótti.

«QR Syrtqy ister mınıstrligi arqyly Qazaqstannyń shet elderdegi elshilikterimen baılanys ornatyńyzdar. Olar sizderdiń jobalaryńyzdy sheteldik ınvestorlarǵa usynýǵa kómektesedi. Osylaısha, ınvestıtsııalyq jobalardyń sanyn arttyrýǵa múmkindik týady. Bul óz kezeginde túrli ónim óndirisin ulǵaıtýǵa, taýarlar eksportyn arttyrýǵa, jańa jumys oryndaryn ashýǵa jáne tutastaı alǵanda halyqtyń ál-aýqatyn jaqsartýǵa múmkindik beredi», - dedi oblys ákimi.

Sonymen qatar, Berdibek Saparbaev ınvestorlardy qyzyqtyratyn óndiris, jer qoınaýyn paıdalaný, tústi metallýrgııa salalarǵa da nazar aýdarýdyń mańyzdylyǵyn atap ótti.



Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT