+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Jambyl oblysynda aýyl turǵyndarynyń tabysy qalaı kóbeıdi

2021 jylǵy 3 tamyz 12:01
Bólisińiz:
Jambyl oblysynda aýyl turǵyndarynyń tabysy qalaı kóbeıdi

NUR-SULTAN. QazAqparat – Jambyl oblysynyń ákimi Berdibek Saparbaev óńirdegi aýyl turǵyndarynyń tabysyn joǵarylatý boıynsha pılottyq jobanyń qalaı júzege asyrylǵanyn aıtyp berdi, dep habarlaıdy QazAqparat tilshisi.

Uqsas jańalyqtar
Tarazda munaraly kranǵa shyǵyp, sekirmek bolǵan áıel qutqaryldy Jambyl oblysynda taýly aýmaqtaǵy 650 gektar jer órtendi Tarazda kópqabatty turǵyn úıdegi páter órtendi

«Bizdiń oblysta 1 mln 200 myń halyq turady. Onyń 60 paıyzy, ıaǵnı 608 myń adam – aýyl turǵyndary. Sonyń 328 myńy eńbekke qabiletti. Elbasynyń tapsyrmasymen 2019 jyly aýyl turǵyndarynyń tabysyn arttyrý úshin pılottyq joba júzege asqan bolatyn. Ol jobany júzege asyrýǵa respýblıkadan 7,5 mlrd teńge 2,5 paıyz stavkamen nesıege berilgen bolatyn. Oǵan qosymsha, jergilikti bıýdjetten 2 mlrd aqsha qaraldy. Sonyń nátıjesinde 51 myń turǵyny bar 8337 aýla, 10 aýdan, 11 eldimeken qamtyldy, olarǵa 2400-den astam nesıe berildi», - dedi B. Saparbaev Úkimet otyrysynda.

Ákimniń aıtýynsha, aýyl turǵyndarynyń tabysyn arttyrý jobasy 5 baǵytta júzege asty: birinshi baǵyt – úı irgesindegi jerlerdi paıdalaný, ekinshi – mal basyn kóbeıtý, úshinshi – aýyl syrtyndaǵy jerlerdi paıdalaný, tórtinshi – tehnıka berý, besinshi – kásip ashýǵa qoldaý kórsetý.

«Sonyń nátıjesinde 11 aýyldyń ózinde 45 myńnan astam mal satyp alyndy, 10 myń gektardan astam jer biriktirilip, kooperatıv quryldy, 190 tehnıka alynyp, óńdeý, jylyjaılar sekildi 11 kásip ashyldy. Osy joba nátıjesinde 2 282 kásipker resmı tirkeldi, 589 jańa jumys orny ashyldy. Osy bes jylda bizdiń jobamyz boıynsha ekonomıkalyq tıimdilik eń kemi 14,5 mlrd teńgeni quramaq», - deıdi óńir basshysy.

Sonymen birge, eń negizgisi – Úkimet tapsyrmasyna sáıkes, ataýly áleýmettik kómek alatyn azamattardyń sanyn azaıtý.

«2019 jyly olardyń sany 1 615 bolsa, qazir 1 058-ge azaıyp, 557-ni qurady. Qoryta kelgende, sol aýyl turǵyndarynyń ortasha tabysy 44 myń teńgeden 73 myń teńgege deıin kóbeıdi. Byltyr tek qana bizdiń oblysta AÁK alatyndar sany 18 myńǵa azaıdy. Ol memlekettik baǵdarlamalardyń arqasynda dep aıtýǵa bolady. Qazirgi tańda bizdiń oblysta 78 eldimekende birde-bir adam AÁK almaıdy, ıaǵnı barlyǵy jumyspen qamtylǵan, óz otbasyn ózderi asyraıdy. Qosymsha 600 mln astam salyq tústi. Sondaı-aq, bir jylda berilgen nesıe tolyq qaıtaryldy, 1 mlrd 300 mln teńgeni qosymsha aınalymǵa jiberip, taǵy úsh eldimekenge nesıege berdik», - deıdi Berdibek Saparbaev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT