+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Jambyl oblysynda arnaýly jıynǵa 80-ge jýyq áskerı mindetti shaqyrtyldy

2020 jylǵy 17 sáýir 09:29
Bólisińiz:
Jambyl oblysynda arnaýly jıynǵa 80-ge jýyq áskerı mindetti shaqyrtyldy

TARAZ. QazAqparat – Jambyl oblysynda áskerı mindettilerdi arnaýly jıynǵa shaqyrtý bastaldy, dep habarlaıdy QazAqparat.

QR Qarýly Kúshteriniń Bas Qolbasshysy, Prezıdent Qasym-Jomart Toqaevtyń Jarlyǵyna sáıkes, oblys ákimi Berdibek Saparbaevtyń Qarýly Kúshterdiń Bas shtabymen kelisilgen qaýlysy negizinde tótenshe jaǵdaı rejımin qamtamasyz etý úshin óńirdegi áskerı mindettilerdi arnaýly jıynǵa shaqyrtý bastaldy. Nátıjesinde alǵashqy kezeńde óńirimizdiń 78 azamaty ıgi iske atsalyspaq.

Osyǵan oraı oblystyq Qorǵanys departamentinde arnaıy shara ótti. Onda oblys ákiminiń kómekshisi, polkovnık Ermek Abdýllaev pen oblystyq generaldar keńesiniń tóraǵasy, zapastaǵy general-maıor Ábdiǵappar Qazıev jaýyngerler artylǵan mindetti abyroımen alyp shyǵatyndyǵyna senim bildirdi.

Shaqyrtylǵandardyń qatarynda ofıtserler jáne áskerı boryshyn ótegen ózge de azamattar bar. Qorǵanys brıgadasynyń komandıri, podpolkovnık Áljan Hamzın 78 áskerı mindettiniń 24-i – Taraz qalasynan ekendigin, al Sarysýdan — 20, Jýalydan — 14, Qordaı aýdanynan zapastaǵy 20 jaýynger jıynǵa shaqyrtý alǵanyn jetkizdi.

Jıynǵa 40 jasqa deıingi azamattardy shaqyrý kózdelse de, aýmaqtyq qorǵanys brıgadasynyń qataryna barynsha jas sarbazdar iriktelip alynǵan. Olardyń áskerı mamandyǵy da eskerilgen. Máselen, sapqa alynǵandardyń deni atqyshtar bolsa, 7-eýi densaýlyq saqtaý salasynda eńbek etedi. Taǵy osynsha jaýynger azamattyq boryshyn hımııalyq jáne bıologııalyq qorǵaý áskerleri bólimshelerinde ótegender.

«Áskerde bolǵanymda radıatsııalyq, hımııa-bıologııalyq vzvodta qyzmet etip, hımık-degazator boldym. Sol jerde 2 jyl tájirıbe jınaǵanym bar. Osyny eskere otyryp, áskerı komıssarıatqa óz erkimmen keldim», – deıdi áskerı mindettiniń biri tarazdyq Jasulan Ábdijanov.

Jıynǵa shaqyrtylǵandar óz mindetterin 1 aı boıy atqarady. Kúndelikti saǵat 9:00-den 18:00-ge deıin jumys istep, úılerine qaıtady. Tańǵy, túski jáne keshki as memleket esebinen qarastyrylǵan. Budan bólek, olardyń jumys orny saqtalyp, jalaqysy tólene bermek. Al jumyssyz bolsa, Úkimet olarǵa eń tómengi jalaqy mólsherinde eńbekaqy tóleıdi. Jaýyngerler endi oblys aýmaǵyn dezınfektsııalaý, blokposttardy nyǵaıtý jáne patrýldik qyzmetti kúsheıtýge jumyldyrylady.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT