+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Jambyl oblysynda anyqtalǵan 17 adam koronavırýsty qaıdan juqtyrǵany málim boldy

2020 jylǵy 5 sáýir 11:00
Bólisińiz:
Jambyl oblysynda anyqtalǵan 17 adam koronavırýsty qaıdan juqtyrǵany málim boldy

NUR-SULTAN. QazAqparat - 5 sáýir kúni Jambyl oblysynda COVID-2019 juqtyrǵan 17 adam anyqtaldy. Sanıtarlyq-epıdemıologııalyq jaǵdaıdyń kúsheıtilgen sharasynyń arqasynda naýqas azamattar der kezinde anyqtalyp, karantınge jatqyzyldy, dep habarlaıdy QazAqparat coronavirus2020.kz saıtyna silteme jasap.

Juqtyrylǵan indet syrttan ákelingen jáne ony naýqastarmen baılanysta bolǵandar juqtyryp alǵan.

Tórt naýqas Úndistannan kelgen reıs jolaýshylary. Ushyp kelgen jolaýshylar arnaıy avtobýspen medıtsına qyzmetkerleri men polıtsııanyń baqylaýymen karantındik statsıonarǵa jetkizilip, oqshaýlandy. Laboratorııalyq zertteý nátıjesi boıynsha 1984, 1996, 1998, 2000 jj. týǵan tórt jolaýshydan ınfektsııa anyqtaldy.

Qordaı aýdanynda úsh jaǵdaı tirkeldi. 1975 jáne 1982 jyldary týǵan eki turǵyn Nur-Sultan qalasynyń vırýs juqtyrǵan turǵynymen baılanysta bolǵandyqtan karantındik statsıonarda jatqan bolatyn. Taǵy bir indet juqtyrǵan 1999 jylǵy azamatsha 23 naýryz kúni Qostanaı qalasynan «Qostanaı-Almaty» poıyzymen kelgen.

Shekara pýnkterindegi kúsheıtilgen sharalarǵa baılanysty Qazaqstanǵa kiretin barlyq azamat karantındik statsıonarǵa jatqyzylady, onyń ishinde júk kóliginiń júrgizýshileri de bar. Nátıjesinde 10 naýqas anyqtaldy. Olardyń 4-eýi Qyrǵyzstan azamaty bolsa, 6-ýy kórshiles elden júk tasyǵan Qazaqstan turǵyny.

Naýqas azamattardyń barlyǵy ınfektsııalyq statsıonarǵa jatqyzyldy. Baılanysta bolǵan adamdardy anyqtap, oqshaýlaý jáne turǵylyqty mekenjaıy men naýqastardyń barǵan jerlerin dezınfektsııalaý jumystary júrip jatyr.

Eske sala ketsek, koronavırýs ınfektsııasynyń jańa jaǵdaılary tirkelgennen keıin Jambyl oblysynyń memlekettik bas sanıtar dárigeriniń buıryǵymen Qordaı aýdany aýmaǵynda 2020 jyldyń 6 sáýirinen bastap turǵyndardyń qyzmeti men ómir saltyna, sharýashylyǵyna erekshe tártip ornatatyn karantın rejimin engizý týraly sheshim qabyldandy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT