+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Jambyl oblysynda altynshy «servıstik ákimdik» ashyldy

2020 jylǵy 19 tamyz 07:21
Bólisińiz:
Jambyl oblysynda altynshy «servıstik ákimdik» ashyldy

TARAZ. QazAqparat – Tarazda servıstik ákimdiktiń jańa keńsesi ashyldy. Munda oblys ortalyǵynyń turǵyndaryna aýyl sharýashylyǵy, kásipkerlik, turǵyn úı-kommýnaldyq sharýashylyq, qurylys, dene shynyqtyrý jáne sport salasyndaǵy qyzmetter usynylatyn bolady, dep habarlaıdy QazAqparat tilshisi.

Tóle bı kóshesi, 55-úıde ornalasqan front-ofıstiń jumysymen aımaq basshysy Berdibek Saparbaev tanysty.

«Open space» formatyndaǵy servıstik ákimdik jobasyn Taraz qalasynyń ákimdigi Memlekettik qyzmet isteri agenttiginiń Jambyl oblysy boıynsha departamentimen birlesip «Jambyl – adaldyq alańy» jobasy aıasynda júzege asyrǵan.

«Munda qala turǵyndary naqty ýaqyt rejıminde óz ótinishteri boıynsha usynystar men jaýaptar ala alady. Jobanyń basty maqsaty – memlekettik organdardyń halyqqa qoljetimdiligin arttyrý jáne kedergisiz keńistikti qalyptastyrý», - deıdi Taraz qalasy ákimi apparatynyń memlekettik qyzmetterdi damytý bólimshesiniń basshysy Merýert Moldaǵalıeva.

QR Sybaılas jemqorlyqqa qarsy is-qımyl agenttiginiń Jambyl oblysy boıynsha departament basshysynyń birinshi orynbasary Ravıl Tólebaev barlyq deńgeıdegi ákimdikterdiń servıstik formatqa kóshýi «Halyq únine qulaq asatyn memleket» tujyrymdamasyna tolyq sáıkes keletinin tilge tıek etti.

«Qandaı da bir suraqpen ákimdikke bas suqqan adam onyń sheshimi basqa bólimdermen tikeleı baılanysty ekenin bilmeýi múmkin. ıAǵnı, birneshe memlekettik qyzmetti bir jerden alý qajet bolady. Mundaı jobany iske asyrý adamdardy kabınetter arasynda birneshe kún boıy sandalyp júrýden bosatady. Bul tujyrymdamany júzege asyrý turmystyq sybaılas jemqorlyqty joıýǵa múmkindik beredi», - dedi ol.

Qalalyq jer qatynastary, sáýlet jáne qala qurylysy bólimderi bazasynda «Open space» formatynda jumys isteıtin alǵashqy servıstik ákimdiktiń joǵary tıimdiligi atap ótildi. Onda bólimder artyq bıýrokratııasyz tikeleı baılanys arqyly 17 memlekettik qyzmet kórsetedi. Jańa servıstik ákimdik suranysy joǵary 20-dan astam memlekettik qyzmetti usynatyn bolady.


Qazir bul tájirıbe Tarazda júzege asyrylýda desek, aldaǵy ýaqytta eń kóp memlekettik qyzmetter kórsetiletin aýdan ortalyqtarynda da ashý kózdelýde. Búginniń ózinde servıstik ákimdikter Merki, Talas, Sarysý aýdandary men Shý qalasynda jumys istep otyr. Jaqyn arada Baızaq, T.Rysqulov jáne Qordaı aýdandarynda front-keńseler ashý josparlanýda.

Sondaı-aq, munda azamattardy qabyldaý ashyq keńsede ótedi. Shyny qabyrǵalar, sondaı-aq beıne jáne aýdıo jazbalarmen jabdyqtalǵan keńse kez-kelgen sybaılas jemqorlyqtyń aldyn alary sózsiz.

Berdibek Saparbaev jańa tujyrymdamamen tanysyp, jedeldilik pen nátıjelik – ákimdik qyzmetine qoıylatyn basty talap ekenin atap ótti.

Sondyqtan ótinishterdi qarastyrý, ony qyzmetkerden ekinshi qyzmetkerge joldaý uzaq ýaqytqa sozylmaýy tıis.

«Azamattar qysqa merzimde jaýap alýy tıis. Sondaı-aq, keri baılanysqa barynsha kóńil bólý kerek. Eger siz bireýdiń ótinishin qanaǵattandyrýdan bas tartýǵa májbúr bolsańyz, onyń sebebei men oǵan qajetti nátıjege qalaı qol jetkizýge bolatynyn túsindirińiz», - dep qorytyndylady aımaq basshysy.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT