+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Jambyl oblysynda 9,6 myńnan astam otbasy zańsyz taǵaıyndalǵan AÁK tólemderin qaıtarýy tıis

2019 jylǵy 16 qazan 10:54
Bólisińiz:
Jambyl oblysynda 9,6 myńnan astam otbasy zańsyz taǵaıyndalǵan AÁK tólemderin qaıtarýy tıis

TARAZ. QazAqparat - Jambyl oblysynda ataýly áleýmettik kómek 14,5 mlrd teńge kóleminde 35 myń 497 otbasyna tólendi. AÁK taǵaıyndaý kezinde 9 myń 632 otbasy ózderiniń naqty tabysyn durys kórsetpedi. Endi olar 133,5 mln teńge qaıtarýy tıis, dep habarlaıdy QazAqparat Eńbek jáne halyqty áleýmettik qorǵaý mınıstrligine silteme jasap.

Uqsas jańalyqtar
Tarazda bólimniń bas mamany AÁK áperemin dep 200 myń teńge para alǵan Jyl basynan beri balalarǵa arnalǵan járdemaqyǵa bıýdjetten 162 mlrd teńge tólendi Ataýly áleýmettik kómekti toqtatý, zańsyz alý jáne shara qoldaný  - mınıstrlik ókili jaýap berdi

Jambyl oblystyq jumyspen qamtýdy úılestirý jáne áleýmettik baǵdarlamalar basqarmasynyń aqparaty boıynsha júrgizilgen tekserý jumystary barysynda eń kóp taralǵan buzýshylyqtar tek naqty tabystardy ǵana emes, sonymen qatar bıznesti, jyljymaıtyn múlikti, kólik pen maldy qasaqana jasyrý bolǵany anyqtaldy.

«16 mamyrda Merki aýdanynda turatyn kópbalaly otbasyna 1 mln 416 myń 588 teńge kóleminde AÁK taǵaıyndaldy. Turǵyn úıine, turmystyq jaǵdaıyna jáne atalǵan otbasynyń tabystaryna tekserý júrgizý kezinde olardyń jalpy aýdany 100 sharshy metrden asatyn jańa úıde turatyndyǵy, materıaldyq jaǵdaıy jaqsy, otaǵasy jeke kásipker ekendigi anyqtaldy. AÁK taǵaıyndaý kezinde 1-toqsanda kiris kólemi 415 myń 968 teńge dep kórsetilgen. Áleýmettik kómek alý zańdylyǵyn tekserý barysynda olardyń birinshi toqsanda 1 mln teńgeden astam tabys tapqany áshkerelendi», – dedi óńirlik Jumyspen qamtýdy úılestirý basqarmasynyń basshysy Tımýr Nurymbetov.

Onyń aıtýynsha, osyǵan uqsas faktiler óńirdiń basqa aýdandarynda da oryn alǵandyǵy anyqtaldy.

«Sondaı-aq, mamyr aıynda Sarysý aýdanynyń alty adamnan turatyn otbasyna aı saıyn 110 myń 566 teńgeden, jalpy somasy 1 mln 326 myń 792 teńge kóleminde AÁK taǵaıyndaldy. Ýchaskelik komıssııanyń qaıta tekseris júrgizýi barysynda, alýshy kómek taǵaıyndaý kezinde birinshi toqsanda kásipkerlikten 127 myń 500 teńge tabys túsken dep kórsetken, shyn máninde onyń tabysy 500 myń teńgeden asyp ketken», – dedi Tımýr Nurymbetov.

Ol sondaı-aq áleýmettik kómekti zańsyz jolmen alý maqsatynda óńirdiń keıbir turǵyndary naqty turatyn meken-jaıyn nemese ýaqytsha tirkelgen mekenjaıyn jasyrýǵa tyrysqanyn atap ótti.

Búgingi tańda zańsyz ataýly áleýmettik kómek alǵan Jambyl oblysynyń turǵyndarynan 27,1 mıllıon teńge óndirilip alyndy.

Esterińizge sala keteıik, AÁK taǵaıyndaý men tóleýdiń durystyǵyn monıtorıngileý nátıjesinde 74 myńǵa jýyq ataýly áleýmettik kómek alýshynyń tabysy týraly jalǵan aqparat bergeni anyqtaldy.

Osyǵan baılanysty mınıstrlik ákimdiktermen birlese otyryp, árbir anyqtalǵan fakti boıynsha, buzýshylyqtarǵa jol bermeý jáne «Memlekettik ataýly áleýmettik kómek týraly» zańyn buza otyryp taǵaıyndalǵan tólemderdi qaıta qaraý boıynsha jeke jumys júrgizýde.

Budan buryn habarlanǵandaı, 7 qazanda QR Eńbek jáne halyqty áleýmettik qorǵaý mınıstri Birjan Nurymbetov QR Úkimetiniń otyrysynda 2020 jylǵy 1 qańtardan bastap muqtaj azamattarǵa ataýly áleýmettik kómek qalaı kórsetiletinin aıtqan bolatyn.

«Eń basty prıntsıp – memleket kómekke muqtaj adamdarǵa, ásirese balalar men kópbalaly otbasylarǵa kómektesedi! Eńbekke qabiletti azamattar jumys isteýi kerek. Memleket jumysqa ornalasýǵa nemese shaǵyn bıznespen aınalysýǵa kómektesedi. Memlekettik kómekke – kópbalaly otbasylardy qoldaý, tabysy tómen otbasylarǵa ataýly áleýmettik kómek kórsetý, tabysy az otbasylardaǵy balalarǵa kepildendirilgen áleýmettik paketi kiredi», – dedi Birjan Nurymbetov.

Mınıstrdiń aıtýynsha, kópbalaly otbasylarǵa qoldaý kórsetý respýblıkalyq bıýdjetten memlekettik járdemaqylar engizý arqyly qamtamasyz etiletin bolady. Bul memlekettik járdemaqy barlyq kópbalaly otbasylarǵa (4 nemese odan da kóp kámeletke tolmaǵan balasy bar) tabysyna qaramastan tólenedi.

AÁK tabysy az otbasylarǵa, sonyń ishinde kópbalaly otbasylarǵa tólenetin bolady. Eń az kúnkóris deńgeıiniń 70%-y taǵaıyndaýdyń shekti krıterııi bolyp qala beredi. Eger eńbekke qabiletti otbasy múshesi usynylǵan jumystan jáne jumyspen qamtýǵa járdemdesý sharalarynan bas tartsa, onda AÁK tólemi tek oǵan ǵana emes, búkil otbasyna da toqtatylady.

Tabysy az otbasylardan shyqqan balalar úshin kepildendirilgen áleýmettik paketti engizý usynylady. 1 jastan 6 jasqa deıingi balalardy azyq – túlik jıyntyǵymen jáne gıgıenalyq quraldarmen, 6 jastan 18 jasqa deıingi balalardy mektepterde ystyq tamaqpen, oqý quraldarymen jáne mektep kıimimen qamtamasyz etedi, sondaı-aq olarǵa mektepke deıingi jol júrý shyǵyndary óteletin bolady. Medıtsınalyq, onyń ishinde stomatologııalyq kómek 18 jasqa deıingi balalarǵa tegin medıtsınalyq kómektiń kepildik berilgen kólemi jáne mindetti áleýmettik medıtsınalyq saqtandyrý sheńberinde kórsetiletin bolady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT