+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Jambyl oblysynda 200-ge jýyq nysan karantın talaptaryn saqtamaǵan

2020 jylǵy 30 mamyr 23:03
Bólisińiz:
Jambyl oblysynda 200-ge jýyq nysan karantın talaptaryn saqtamaǵan

TARAZ. QazAqparat – Jambyl oblysy boıynsha 194 nysannyń karantın talaptaryn saqtamaǵandyǵy anyqtaldy. Bul týraly aımaq basshysy Berdibek Saparbaevtyń tóraǵalyǵymen ótken oblystyq jedel shtabtyń kezekti otyrysynda aıtyldy, dep habarlaıdy QazAqparat oblys ákimdiginiń resmı saıtyna silteme jasap.

Uqsas jańalyqtar
Aqtóbede 5 shilde saǵat 00:00-den bastap aýdanaralyq avtobýstar toqtaıdy Aıjan Esmaǵambetova: Óńirlik vedomstvoaralyq shtab eldi mekende karantındik sharalardy kúsheıte alady Shekteý: Túrkııaǵa qazaqstandyqtardan kimder erkin kire alady

Jambyl oblysynda obektilerdiń karantın kezindegi belgilengen talaptarǵa sáıkestigin tekserý úshin 62 baqylaý toby quryldy. Olardyń quramyna taýarlar men qyzmetterdiń sapasy men qaýipsizdigin baqylaý departamentiniń, jergilikti atqarýshy organdardyń, jergilikti polıtsııa qyzmetiniń jáne óńirlik kásipkerler palatasynyń ókilderi engen. Buzýshylyqtar anyqtalǵan kezde top músheleri Qazaqstan Respýblıkasynyń zańnamasyna sáıkes obektilerdiń qyzmetin toqtata turýǵa deıingi sharalardy qoldanady.

Qazirge deıin oblys boıynsha barlyǵy 194 nysannyń karantın talaptaryn saqtamaǵandyǵy anyqtalyp otyr. Onyń ishinde Taraz qalasynda - 42, Talas aýdanynda – 12, Jýaly aýdanynda – 12, Shý aýdanynda – 49, Merki aýdanynda – 30, Baızaq aýdanynda – 14, Moıynqum aýdanynda – 5, Sarysý aýdanynda – 11, Jambyl aýdanynda – 10, Rysqulov aýdanynda – 9.

Atalǵan jedel shtab otyrysynda kommertsııalyq jáne áleýmettik nysandardyń qyzmetin qalpyna keltirý máseleleri, karantın rejımin jeńildetýdiń kelesi kezeńi talqylandy. Jalpy, oblys boıynsha karantın rejıminiń jeńildetý kezeńderinde 2700-den astam nysan jumysyn qaıta bastaǵan.

- Baqylaý toptary aldyn ala bazar, saýda úıleriniń jáne basqa obektilerdiń ıelerimen kezdesip, bul jaıttardy jan-jaqty talqylaýy kerek. Nysan ıeleri maskalyq rejımniń saqtalýyna, dezınfektsııalaý sharalary úshin jaýapty ekendikterin túsingenderi durys. Olardy atalǵan toptar baqylaıtyn bolady. Barlyq máselelerdi pysyqtap, muqııat tekserýden keıin ǵana nysandardy ashý qajet. Biz adamdardyń ómirine qaýip tóndire almaımyz, - dep túıindedi oblys ákimi óz sózin.

Sońǵy jeti kún ishinde óńirde koronavırýstyq ınfektsııanyń 129 jaǵdaıy tirkelgen. Áskerı qyzmetkerler arasynan anyqtalǵan 74 jaǵdaıdyń saldarynan joǵary ósim deregi oryn alǵan.

Aýrýdyń 7 paıyzdan astam ósý kórsetkishi Taraz qalasynda, Talas, Jambyl, Shý, T.Rysqulov aýdandarynda baıqalǵan. Moıynqum, Kordaı, Jýaly, Merki, Baızaq aýdandarynda aýrýshańdyq kórsetkishi 7 paıyzdan tómen, barlyq ınfektsııa oshaqtary oqshaýlandyrylǵan. Osyǵan oraı aımaqtarda shekteý sharalaryn jeńildetý usynyldy.

Aımaq basshysy Berdibek Saparbaev aýdandyq shtabtardyń karantındi kezeń-kezeńimen jeńildetý úshin taǵy da egjeı-tegjeıli zerdelep, barlyq múmkin jaǵdaılardy qarastyryp, sodan keıin ǵana sheshim qabyldaý kerek ekendigin basa aıtty.

1 maýsymnan bastap oblys ortalyǵynda da karantındik sharalardy jeńildetý josparlanǵan. Alaıda, bul oraıda Qazaqstan Respýblıkasynyń Bas memlekettik sanıtarlyq dárigeri bekitken sanıtarlyq-epıdemıologııalyq talaptardy qatań saqtaý mindetti shart bolyp tabylady.

- Turǵyndar shekteý sharalaryna degen narazylyqtaryn bildirýde. Olar bazarlar, saýda úıleri, saıabaqtardy ashyp, qoǵamdyq kólikterdi júrgizýdi suraýda. Monıtorıngtik toptar osy máseleler boıynsha zerdeleý júrgizip, nysan ıeleri qyzmetti qalpyna keltirgen kezde jaýapkershilikti ózine alýǵa daıyn ne daıyn emestigin jáne sanıtarlyq talaptardyń saqtalýyn baqylaıdy. Eń basty nárse - turǵyndardyń densaýlyǵy men qaýipsizdigi ekendigin umytpaýymyz kerek. Tek kelýshiler úshin tıisti qorǵanysh sharalary qamtamasyz etilgen jaǵdaıda ǵana baqylaý toptary obektilerdi paıdalanýǵa múmkindik berýi tıis, - dedi oblys ákimi.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT