+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Jambyl oblysynda 167 myńnan astam PTR testileý jasalǵan

2020 jylǵy 17 qarasha 18:48
Bólisińiz:
Jambyl oblysynda 167 myńnan astam PTR testileý jasalǵan

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken shtab otyrysynda koronavırýsqa qatysty óńirdegi ahýal saralandy, dep habarlaıdy QazAqparat tilshisi.

Ótken aptada Jambyl oblysynda koronavırýs ınfektsııasynyń 38 jaǵdaıy tirkeldi. Naýqastardyń basym bóligi - Taraz jáne Shý aýdandarynda.

Densaýlyq saqtaý basqarmasynyń basshysy Áset Qalıevtiń aıtýynsha, oblysta koronavırýs jaǵdaıy turaqty, degenmen beıqam otyrýǵa bolmaıdy. Óıtkeni ınfektsııanyń jańa jaǵdaılary áli tirkelip jatyr.

«16 qarashadaǵy ahýal boıynsha koronavırýstyń - 4264, pnevmonııanyń - 152 jaǵdaıy tirkeldi. Ótken táýlikte koronavırýstyń 6 jańa jaǵdaıy anyqtalyp, táýliktik ósim 0,1 paıyzdy qurady. Búginde juqpaly aýrýlar aýrýhanasynda 57 adam emdelýde desek, 37 adam karantınge oqshaýlanǵan. 339 jambyldyq úı karantınine alynǵan»,-dedi basqarma basshysy.

Áset Qalıev 29 qańtar men 15 qarasha aralyǵynda oblysta 167 739 PTR synaǵy júrgizilgenin tilge tıek etti. Búgingi tańda juqpaly aýrýlar aýrýhanasynda 2530 tósek-oryn daıyndalǵan. Qosymsha taǵy 2000 tósek ázirlenip jatyr. Onyń 200-i - reanımatsııalyq tósek.

Oblys ákimi koronavırýstyń ekinshi tolqyny naqty qalaı órbıtini belgisiz ekendigin alǵa tartty. Sondyqtan aımaq basshysy dárigerler barlyq jaǵdaılarǵa daıyn bolý kerek ekenin basa aıtty.

Sanıtarlyq-epıdemologııalyq baqylaý departamenti basshysynyń mindetin atqarýshy Neıla Mýlıkova aımaqtaǵy koronavırýsqa qatysty jaǵdaıǵa alańdaýshylyq bildirdi.

«Biz qazir «jasyl» aımaqta turmyz, alaıda Tarazda sońǵy aptada koronavırýsty juqtyrýdyń 20 jaǵdaıy, Shý aýdanynda - segiz, basqa aýdandarda da bir - eki jaǵdaıdan tirkelgen. Árıne, bizdiń mamandar kásibı túrde jumys isteıdi. Baılanysta bolǵan tulǵalardy oqshaýlap, oshaqtardy anyqtap jáne dezınfektsııalap otyrady. Qazir eshqandaı jaǵdaıda da qyraǵylyqty joǵaltpaý kerek», - dedi ol.

Aımaq basshysy joldaǵan saýalǵa Taraz qalasynyń ákimi Aıtqazy Qarabalaev pen Shý aýdanynyń ákimi Nurjan Kalenderov jaýap berdi. Olar qurylǵan mobıldi toptardyń belsendi jumys istep jatqanyna, turǵyndar arasynda túsindirý jumystary júıeli túrde júrgizilgenine sendirdi.

«Adam kóp shoǵyrlanǵan jerlerde mobıldi toptardyń jumysyn kúsheıtken durys. Tekserý nátıjesi mardymsyz. Shara qoldaný qajet. COVID-19-ǵa qarsy kúreste barlyq resýrstardy jumyldyrý mańyzdy. Áskerı dárigerlerdi de tartýǵa bolady. Bizdiń basty mindetimiz – azamattarymyzdyń densaýlyǵyn saqtaý ekendigin umytpaǵaısyzdar», - dedi B.Saparbaev.

Sondaı-aq, oblys ákimi óziniń orynbasary Erjan Jylqybaev pen densaýlyq saqtaý basqarmasynyń basshysy Áset Qalıevke oblysty qajetti dári-dármekpen jáne jeke qorǵanys quraldarymen qamtamasyz etý máselesin arnaıy baqylaýda ustaýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT