+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Jambyl oblysynda 1300-den asa adamǵa shaǵyn nesıe berilmek

2019 jylǵy 22 qazan 05:29
Bólisińiz:
Jambyl oblysynda 1300-den asa adamǵa shaǵyn nesıe berilmek

TARAZ. QazAqparat – Jambyl oblysynda bıyl barlyǵy 1300-den astam adamǵa jalpy 6147,6 mıllıon teńgeniń shaǵyn nesıesi beriledi dep josparlanǵan. Bul respýblıka boıynsha basqa óńirlermen salystyrǵanda aldyńǵy kórsetkishterdiń biri, dep habarlaıdy QazAqparat tilshisi.

Uqsas jańalyqtar
Dáýren Abaev nesıe týraly: Bankter halyqtyń tólem qabiletin muqııat tekserýi tıis Bıyl nesıe seriktestikteri arqyly tutynýshylarǵa rekordtyq deńgeıdegi qaryz beriledi Bankterdiń nesıelik belsendiligi artyp keledi – Ulttyq bank tóraǵasy

Sondaı-aq, aǵymdaǵy jyldyń qarasha aıynan oblys turǵyndaryna shaǵyn nesıe berýge qosymsha respýblıkalyq bıýdjetten taǵy 2 mıllıard teńge bólinip otyr. Al, bul qarjylardyń ıgerilýi qaı deńgeıde? Turǵyndardyń shaǵyn nesıege qol jetkizý barysy júıeli ma? Ol týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń toǵyz aılyq esebinde jan-jaqty aıtyldy. Eseptik jıynda oblys ákimi Asqar Myrzahmetovke atalǵan basqarma basshysy Tımýrjan Nurymbetov alǵashqy úsh toqsandaǵy atqarylǵan jumystardy baıandady.

Basqarma basshysy bıylǵy toǵyz aıda aýyl boıynsha 885 adam 3797,3 mıllıon teńgeniń, qala boıynsha 24 adam 1070,3 mıllıon teńgeniń shaǵyn nesıesine qol jetkizgenin aıtyp, jyl sońyna deıin kózdelgen meje tolyǵymen oryndalatynyna sendirdi.

«Aıta keteıik, búgingi tańda jalpy halyqty jumyspen qamtý sharalary búgingi tańda «Eńbek» baǵdarlamasy aıasynda júzege asyrylýda. Aǵymdaǵy jyly bul baǵdarlama boıynsha respýblıkalyq bıýdjetten 7,4 mıllıard teńge, jergilikti bıýdjetten 4,2 mıllıard teńge qarastyrylǵan. Nátıjesinde toǵyz aıda jumyspen qamtýdyń belsendi sharalaryna 30 504 adam tartylyp, jyldyq jospar ázirge 86 paıyzǵa oryndalyp otyr. Sonymen qatar, esepti kezeńde jumyspen qamtý ortalyqtarynyń joldamasymen 20 640 adam jumyspen qamtylsa, onyń ishinde 14210 adam turaqty negizde ornalasqan»,- dedi Tımýrjan Nurymbetov

Asqar Myrzahmetov shaǵyn nesıelerdi shyn mánindegi qajetti jobalarǵa jumsaýdyń mańyzdylyǵyn eskertip, ol boıynsha jaýapty tulǵalarǵa árbir aýdannyń áleýeti men suranysyn barlap, karta ázirlep, arnaıy bazany qalyptastyrýdy tapsyrdy. Sondaı-aq, bul baǵytta aýyldaǵy qarapaıym halyqty barynsha habardar etý jumystary áli de álsiz ekenin ashyp aıtyp, turǵyndardyń turmysyn arttyrý jolynda bar sharalardy qolǵa alýdy júktedi. Óńir basshysy qysqa merzimdi kásiptik oqytý kýrstaryn ońtaılandyrýdy, ásirese, suranysqa saı mamandyqtarǵa basymdyq berý kerektigine kóńil bólip, tıisti tulǵalarǵa bul turǵydaǵy baqylaý sharalaryn qatańdatýdy mindettedi.

Basqosýda basqa da josparly kórsetkishter men mejeli mindetterdiń oryndalý barysy qaralyp, jumysy sylbyr aýdan men qala basshylary synǵa alyndy. Ataýly áleýmettik kómektiń taǵaıyndalýy, barlyq aýdandarda múgedek balalardy ońaltý ortalyqtaryn qurý boıynsha berilgen tapsyrmalardyń oryndalýy suraldy. Sonymen qatar, jańa bıznes-ıdeıalardy iske asyrýǵa granttar berý, jastar praktıkasy, aqyly qoǵamdyq jumysqa tartý, múgedekterdi áleýmettik qorǵaý boıynsha jasalynyp jatqan jumystar jaıy saralandy.

Aımaq basshysy, ataýly áleýmettik kómektiń taǵaıyndalýynda ketken kemshilikterdi joıýǵa aıryqsha nazar aýdaryp, ekinshi ret ondaı keleńsizdikke jol bermeý úshin baqylaý men barlaýdy kúsheıtýdi tapsyrdy. Sondaı-aq tıisti kómek shynaıy muqtajdarǵa úlestirilý kerektigin basa aıtty.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT