+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Jambyl oblysyna Túrkııadan gýmanıtarlyq júk jetti

2020 jylǵy 12 shilde 13:41
Bólisińiz:
Jambyl oblysyna Túrkııadan gýmanıtarlyq júk jetti

TARAZ. QazAqparat – Koroonavırýs pandemııasynyń taralýyna qarsy kúres sharalary aıasynda Qazaqstanda jumys isteıtin birqatar túrik ınvestorlary Jambyl oblysyna gýmanıtarlyq kómektiń jańa partııasyn jiberdi, dep habarlaıdy QazAqparat tilshisi.

Uqsas jańalyqtar

Atap aıtsaq, «Tek-imas» kompanııasy Jambyl oblysyna bes ottegi kontsentratoryn jiberdi. Qurylǵylar Taraz qalasyndaǵy kópsalaly klınıkalyq aýrýhananyń pýlmonologııa bólimine jetkizildi. Bul týraly oblys ákiminiń baspasóz qyzmeti habarlady.

Ottegi terapııasy kezinde qoldanylatyn ottegi kontsentratorlary koronavırýs ınfektsııasymen jáne pnevmonııamen aýyryp jatqan naýqastarǵa ýaqtyly kómek kórsetýde mańyzdy ról atqarady.

Sondaı-aq, «Orhun Medical» jáne «Yildiz Holding» túrik ınvestorlary pandemııamen kúreste aldyńǵy qatardaǵy jambyldyq medıtsına qyzmetkerlerine 450 qorǵanys kıimin jıyntyǵyn (qorǵanys jamylǵysy, qolǵap, maska, qalqan jáne t.b.) jiberdi.

Gýmanıtarlyq kómek partııasy óńirge kelesi aptada jetedi. Júk «Air Astana» qoldaýymen Qazaqstanǵa jetkizilmek.

Shuǵyl gýmanıtarlyq kómegi úshin Taraz qalasynyń qalalyq kópbeıindi klınıkalyq aýrýhanasynyń basshylyǵy túrik tarapyna jáne Qazaqstannyń Túrkııadaǵy elshiligine shyn júrekten rızashylyǵyn bildiredi. Bul kómek Túrkııa men Qazaqstan halyqtary arasyndaǵy dostyq pen senimdiliktiń dáleli.

«Jambyldyq dárigerler baýyrlas halyqtyń kómegin rızashylyqpen qabyldap, muny COVID-19 aýrymen kúres kezinde yntymaqtastyqtyń aıqyn kórinisi dep sanaıdy. Kómek tek shetelden ǵana emes, sonymen qatar jergilikti uıymdardan da, janashyr tulǵalardan da kelýde», - dedi Taraz qalalyq kóp beıindi klınıkalyq aýrýhananyń bas dárigeriniń orynbasary Erbol Ordabekov.

Azamattar osynaý qıyn mindetti atqaryp jatqan densaýlyq saqtaý salasy qyzmetkerlerine barynsha kómektesýge tyrysýda.

Dárigerler «Eskýlap» emdeý ortalyǵynyń dırektory Oleg Ratnıkovqa NewPort HT-70 tynys alý apparatyn tartý etkeni úshin alǵys bildiredi.

Sondaı-aq, Taraz qalalyq kópbeıindi klınıkalyq aýrýhanasynyń reanımatsııa jáne pýlmonologııa bóliminiń dárigerleri men medıtsınalyq qyzmetkerleri kásipkerler Aqylbek Sadyrbaev pen Bahrom Mýmınovqa ystyq túski as jetkizgeni úshin alǵys aıtady.

Aıta ketý kerek, oblys ákiminiń tapsyrmasy boıynsha densaýlyq saqtaý basqarmasy qazirgi tańda qosymsha tósek daıyndap, dári-dármekter men medıtsınalyq jabdyqtar satyp alýda.

Búginde oblystyń medıtsınalyq mekemelerinde 70 ottegi kontsentratory bar. Birer kún buryn demeýshiler esebinen qosymsha 11, al jergilikti bıýdjetten taǵy 4 ottegi kontsentratory satyp alyndy.

Oblystyń medıtsınalyq mekemelerinde barlyǵy 146 ókpeni jasandy jeldetý (ÓJJ) apparaty bar. Jaqynda jergilikti jáne respýblıkalyq bıýdjet esebinen satyp alynǵan 62 ÓJJ apparaty jetkiziledi dep kútilýde
Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT