+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Jambyl oblysyna Irlandııadan asyl tuqymdy sıyrlar ákelindi

2020 jylǵy 14 tamyz 04:41
Bólisińiz:
Jambyl oblysyna Irlandııadan asyl tuqymdy sıyrlar ákelindi

TARAZ. QazAqparat – Jambyl oblysynyń Jalpaqtóbe aýylyndaǵy «Jambyl et» JShS-ne Irlandııadan Angýs tuqymdy iri qara maldyń alǵashqy partııasy jetkizildi,-dep habarlaıdy QazAqparat tilshisi.

Uqsas jańalyqtar
SQO-da 300-den astam iri qara mal brýtsellez juqtyrdy Qazaqstanda aýyl sharýashylyǵy salasynda qandaı ózgerister bolady

Jalpy, «Sybaǵa» baǵdarlamasy boıynsha atalǵan kásiporyn 1000 bas et baǵytyndaǵy tuqymdy satyp aldy. Nesıege «Agrarlyq nesıe korporatsııasy» AQ

fılıaly arqyly qol jetkizgen. Negizi iri qara mal tutynýshylarǵa buǵan deıin jetkizilýi tıis edi, biraq indetke baılanysty bul protsess keıinge qaldyrylǵan

bolatyn.

«Jambyl-et» JShS et óndirisine mamandanǵan ári óndiristiń aıtarlyqtaı kólemin qamtamasyz etýge nıetti. Osy oraıda et baǵytyndaǵy iri qara maldy baǵýmen aınalysýǵa den qoıǵan. Kásiporyn dırektorynyń orynbasary Baqyt Esqalıevtiń aıtýynsha, bul jaǵdaıda angýs tuqymy óte qolaıly eken.

- Bular ázirge 10-15 aılyq tanalar. Biz olardy aldymen karantınge jiberemiz,

sodan keıin ǵana jaıylymǵa shyǵaramyz. Osy ýaqyt ishinde biz janýarlarǵa tıisti kútim jasaımyz. Ol úshin bizde barlyq jaǵdaı qarastyrylǵan. Jem qory, qajetti dárýmender men mıneraldar daıyndalǵan, - deıdi Baqyt Esqalıev.

5 qyrkúıekke deıin qalǵan 600 bas mal seriktestikke jetkizilip, ol karantınnen keıin jaıylymdarǵa jiberilmek.

- Jambyl aýdanynda jazda mal ustaýǵa arnalǵan 1000 gektar jaıylymdyq jerimiz bar. Bul ázirge jetkilikti. Qajet bolǵan jaǵdaıda, kez kelgen ýaqytta

qosymsha alańdardy jalǵa alýǵa bolady. Qystyq maýsymǵa arnalǵan jem-shóp qory jetkilikti mólsherde jınaldy, - deıdi «Jambyl et» JShS dırektorynyń orynbasary.- Angýs tuqymynan basqa, bolashaqta et-sút baǵytyndaǵy Simmental

tuqymdy iri qara malyn satyp alýdy josparlap otyrmyz. Bizde sút óndirýge múmkindik bar. Biraq bul ázirge jospar ǵana, - deıdi «Jambyl et» JShS dırektory Sveta Shaýshenova.

Ákelingen iri qara maldy kútip, baptaý úshin barlyq jaǵdaı qarastyrylǵan.

Kompanııada qazirgi tańda 35 adam jumys isteıdi. Ortasha jalaqylary 120-130 myń teńge aralyǵynda. Onda eki traktor, eki tıeý arbasy jáne ÝAZ avtomobıline negizdelgen dezınfektor bar.

Jambyl oblysy ákimdigi aýyl sharýashylyǵy basqarmasynyń mal sharýashylyǵy

bóliminiń basshysy Baljan Ysqaqovanyń aıtýynsha, 2020 jyly «Sybaǵa» baǵdarlamasy boıynsha oblysta 5 myń bas iri qara malyn satyp alý

josparlanǵan. Búgingi tańda 1 676 bas mal satyp alynǵan.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT