+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Jambyl oblysy ekonomıkasynyń barlyq salalarynda ósim bar – Asqar Myrzahmetov

2019 jylǵy 23 qazan 14:24
Bólisińiz:
Jambyl oblysy ekonomıkasynyń barlyq salalarynda ósim bar – Asqar Myrzahmetov

TARAZ. QazAqparat – Bıyl toǵyz aıda Jambyl oblysy ekonomıkasynyń barlyq salalarynda oń nátıjelerge qol jetkizilgen. Bul týraly búgin oblys ákimi Asqar Myrzahmetovtiń tóraǵalyǵymen ótken apparat májilisinde aıtyldy, dep habarlaıdy QazAqparat tilshisi.

Uqsas jańalyqtar
Almatyda «Almaty Invest» halyqaralyq ınvestıtsııalyq forýmy ótedi Túrik ınvestory «Qyzyljar» ekonomıkalyq aımaǵynyń alǵashqy qatysýshysy atandy Mundaı oqıǵa ár eldiń tarıhynda bir-aq ret kezdesedi - Elbasy teńgeniń engizilýi jaıly

Jıynnyń kún tártibine birqatar máseleler qoıylyp, aldymen oblys turǵyndarynyń turmystyq tabysyn jaqsartý jobasynyń atqarylý barysy qaraldy. Oblystyq aýyl sharýashylyq basqarmasynyń basshysy Berik Nyǵmashov joba aıasyndaǵy pılottyq on aýyldyq okrýgter boıynsha bekitilgen jumys algorıtmniń oryndalýy týraly baıandady.

Basqarma basshysy jobaǵa qatysýshylardyń ótinimderin qabyldaýdyń kúndelikti jospary belgilengenin aıtyp, ol baǵytta qyzý jumystar júrigizilip jatqanyn jetkizdi. Búginde «Taraz» áleýmettik kásipkerlik korporatsııasyna 1020 qujat ótkizilip, onyń 947-i qabyldanǵan. 73 qujat qaıta qaralýǵa jiberilgen. Sondaı-aq, satyp alynatyn mal basynyń, tuqym men tyńaıtqyshtyń, jem-shóptiń josparly kórsetkishi men qurylǵan kooperatıvterdiń qajetti tehnıkamen qamtylý júıesine toqtaldy.

Asqar Isabekuly Úkimette bekitilgen tıisti qarajattyń keler aıdyń basynda túsetinin tilge tıek etip, qujat qabyldaý sharalary birinshi qarashaǵa deıin tolyǵymen aıaqtalý kerektigin eskertti. Ol boıynsha jospardan keshigýi bar aýdandardyń sylbyr jumystary synǵa alynyp, naqty tapsyrmalar júkteldi. Oblys basshysy qurylǵan kooperatıvterdiń tehnıka bazalarynyń ornalasý aımaǵyna kóńil bólip, aldaǵy ýaqytta aýyldyq okrýgter mańynan shaǵyn qaıta óńdeý zaýyttary salýdyń mańyzdylyǵyna nazar aıdartty. Ol boıynsha josparly jumystardy qazirden júıeleı berý kerektigin basa aıtty.

Basqosýdaǵy ekinshi másele boıynsha oblystyq ekonomıka jáne bıýdjetti josparlaý basqarmasynyń basshysy Gúldana Jaýynbekova baıandama jasady. Ol ústimizdegi jyldyń qańtar-qyrkúıek aılarynda oblys ekonomıkasynyń barlyq salalarynda oń kórsetkishter oryn alyp otyrǵanyn jetkizdi. Atap aıtqanda, ekonomıkalyq ósim birinshi jartyjyldyq qorytyndysymen 3,3 paıyzdy qurasa, qysqa merzimdi ekonomıkalyq ındıkator 105,6 paıyz deńgeıinde qalyptasqan. Sol sekildi ónerkásip salasyndaǵy ósim 5,7 paıyzǵa, aýyl sharýashylyǵynyń jalpy óniminiń ósimi 5,0 paıyzǵa, negizgi kapıtalǵa salynǵan ınvestıtsııa kólemi 17,3 paıyzǵa, halyqtyń orta eseppen jan basyna shaqqandaǵy aqshalaı tabystary naqty 12,2 paıyzǵa artqan.

Aımaq basshysy toǵyz aıdyń qorytyndysy boıynsha oblystyń ekonomıkalyq damýy Úkimette oń baǵalanǵanyn aıtyp, jyl sońyna deıin osy joǵary dınamıkany saqtap turýǵa barynsha kúsh salý kerektigin eskertti.


Bizdiń kanalymyzǵa jazylyńyz:

Basty sózder: Jambyl oblysy, Ekonomıka, Ákimdik,
Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT