Jambyl men Almaty oblystarynda 200 qutqarýshy túni boıy sý tasqynynyń aldyn aldy
ASTANA. QazAqparat - Ótken túni Almaty jáne Jambyl oblystarynyń TJM bólimsheleri men ákimdikten 200 adam men 45 tehnıka bes eldi mekende tasqynnyń aldyn aldy, dep habarlaıdy QazAqparat TJM baspasóz qyzmetine silteme jasap.
Qardyń kúrt erýi saldarynan egistikten aǵyp kelgen qyzyl sýdy burý úshin jedel jumys júrgizildi.
Aldynda sý basqan aýla aýmaqtaryndaǵy sýdy sorý jumysy jalǵasty.
Bir túnde júrgizilgen sý burý kanaldarynyń jalpy uzyndyǵy - 18 myń metr, eldi mekenderge jaqyn jerdegi sorylǵan sý 16 myń tekshe metrden asty.
Túrkistan oblysynda búkil tasqyn sý sorylyp boldy.
Syrdarııa, Arys jáne Bógen ózenderindegi táýlik boıy jumys isteıtin 14 sý beketiniń jumysy jalǵasyp jatyr.
Eske sala keteıik, keshe Jambyl oblysynyń birneshe aýdanynda aýyldardy sý basqanyn habarlaǵan edik.
