+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Jambyl atanyń júzge jýyq urpaǵy bar - Saltanat Jambylova

2021 jylǵy 26 aqpan 17:15
Bólisińiz:
Jambyl atanyń júzge jýyq urpaǵy bar - Saltanat Jambylova

NUR-SULTAN. QazAqparat - Jambyl Jabaevtyń nemeresi, aqyn mýzeıiniń meńgerýshisi Saltanat Jambylova elordadaǵy mereıtoıdyń ashylýyna keldi, dep habarlaıdy QazAqparat tilshisi.

Elordada Q.Qýanyshbaev atyndaǵy Memlekettik akademııalyq qazaq mýzykalyq drama teatrynda jyr alyby Jambyl Jabaevtyń 175 jyldyq mereıtoıyn resmı túrde merekeleý bastaldy.

«Búgin elorda tórinde Jambyl atamyzǵa úlken qurmet kórsetilip otyr. Osy jıynǵa biz de qur alaqan kelmeı, Jambyl atamyzdyń óz aýylyndaǵy mýzeıinen jádigerler ákeldik. Bul mýzeı atamyz turǵan úıde ashylǵan, 92 jasynda Úkimet atamyzǵa 12 bólmeli úı salyp bergen eken. Odan bolashaqta mýzeı jasaý maqsaty bolǵan shyǵar. Atamyz ol úıde 8 jyl turyp, 1945 jyly 22 maýsymda qaıtys boldy. 1946 jyly atanyń júz jyldyǵy toılanǵanda, Úkimettiń sheshimimen úlken úı mýzeı atandy. Bıyl atamyzdyń 175 jyldyǵy bolsa, mýzeıdiń qurylǵanyna 75 jyl tolyp otyr», - dedi Saltanat Jambylova QazAqparat tilshisine bergen suhbatynda.

Jańa teatr foıesinde uıymdastyrylǵan kórmede uly aqynnyń tutynǵan jeke zattary, syılanǵan syı-sııapattary men fotoestelikter qoıylǵan.

«Jambyl atamyzdyń uzaq ǵumyrynda 3 ret úılengen eken. Úsh apamyz bolǵan. Biraq qatar emes, biri qaıtys bolǵan soń, ekinshi ret úılendi degendeı. Úsh áıelden 8 uly, 2 qyzy bolǵan. Olardyń kóbi erterekte qaıtys bolǵan, Alǵadaı men Іztileý degen eki uly Uly Otan soǵysynda qaza tapqan. Meniń ákem Tezekbaı - Jambyldyń kishi balasy, 1985 jyly qaıtys boldy. Qazir 8 ul, 2 qyzdan júzge jýyq urpaq taraǵan. Nemere, shóbere, shópshekteri Qazaqstannyń túpkir-túpkirinde turady. Árıne kópshiligi, biz de Almaty oblysy Jambyl aýdany Jambyl aýylynda turamyz», - deıdi S. Jambylova.

Onyń aıtýynsha, Jambyl mereıtoıy boıynsha respýblıka kóleminde alǵashqy jıyndar bastaldy.

«Ózimiz de oblys kóleminde josparlar qurdyq. Kókshetaýdaǵy M.Ǵabdýllın mýzeıine, Nur-Sultandaǵy Áserı qarý-jaraq ortalyǵyna, Atyraý, Jambyl, Qyzylorda oblystaryna jyljymaly kórme aparý josparda bar. Kórshiles Qyrǵyzstanda Jambyl toıy qańtar aıynyń sońynda bastalyp ketti. Naýryz aıynda Burynǵy Lenıngrad, qazirgi Sankt-Peterbýrg qalasymen telekópirge shyǵamyz. Onda da Jambyl atyndaǵy kóshe men eskertkish bar», - deıdi Saltanat Jambylova.

Aıta keteıik, Qazaqstan Respýblıkasynyń Memlekettik hatshysy, mereıtoıdyń memlekettik komıssııasynyń tóraǵasy Qyrymbek Kósherbaev elordadaǵy Jambyl eskertkishine gúl shoqtaryn qoıǵan edi.

Búgin elimizdegi jáne shet elderdegi qalalar men eldimekenderde Jambyl Jabaevtyń eskertkishteri men bıýstterine gúl shoqtary qoıyldy, árqıly mádenı sharalar ótkizildi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT