+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Jalǵan PTR test pen vaktsına pasporty faktisi boıynsha 156 is qozǵaldy- ІІM

2021 jylǵy 16 qyrkúıek 19:12
Bólisińiz:
Jalǵan PTR test pen vaktsına pasporty faktisi boıynsha 156 is qozǵaldy- ІІM

NUR-SULTAN. QazAqparat – QR Іshki ister mınıstri Erlan Turǵymbaevtyń tóraǵalyǵymen Memleket basshysynyń tapsyrmasyna oraı qurylǵan vaktsınatsııalaýdyń jalǵan pasporttaryn ázirleý jáne PRTs-testileýdiń ótirik nátıjelerin taratý faktileriniń jolyn kesý ári tergeý jónindegi vedomstvoaralyq arnaıy toptyń kezekti otyrysy ótti, dep habarlaıdy QazAqparat tilshisi.

Atalǵan vedomstvo málimetinshe, otyrysqa múddeli memlekettik organdardyń basshylary (Bas prokýratýra, UQK Shekara qyzmeti, sybaılas jemqorlyqqa qarsy is-qımyl agenttigi, qarjy mongıtorıngi jónindegi agenttik, Densaýlyq saqtaý mınıstrligi, Aqparat jáne qoǵamdyq damý mınıstrligi) qatysty. Keńes barysynda memlekettik organdar júrgizip jatqan jumystardyń nátıjeleri qaraldy. Jyl basynan beri ishki ister organdary PTR-testileý men vaktsınatsııa pasporttarynyń jasandy nátıjelerin qoldan jasaý jáne paıdalaný boıynsha 156 qylmystyq is tirkelgeni atap ótildi. Aldyn alý is-sharalary men túsindirý jumystaryna qaramastan, jalǵan medıtsınalyq qujattardy daıyndaýmen jáne paıdalanýmen baılanysty buzýshylyqtar jalǵasyp jatqandyǵyna nazar aýdaryldy.

«Mysaly, 6 qyrkúıekte Mańǵystaý oblysynyń polıtseıleri jalǵan vaktsınatsııalaý júrgizgeni úshin (aqshalaı syıaqy 30 myń teńge) 8 adamdy, onyń ishinde 4 medıtsına qyzmetkerin ustady. Olardyń kórsetkishterine sáıkes jalǵan tólqujattar 150-den astam azamatqa berilgen. Elordada, 15 qyrkúıekte qalalyq emhananyń 2 medbıkesi jáne osy jyldyń maýsym aıynan bastap jalǵan vaktsınatsııa júrgizgen deldal - mektepterdiń biriniń oqytýshysy ustaldy. Aldyn ala aqparat boıynsha 100-ge jýyq azamat jalǵan tólqujat alǵan. Barlyq anyqtalǵan faktiler boıynsha jalǵan ekpe alǵan adamdardy anyqtaý boıynsha is-sharalar júrgizilýde. Sotqa 20 qylmystyq is joldandy, 17 adamǵa qatysty 200 AEK-ke deıingi mólsherde aıyppul salynyp, aıyptaý úkimi shyǵaryldy», - dep atap ótedi mınıstrlikten.

Máselen, Aqtóbe qalasyndaǵy jeke klınıkanyń medıtsına qyzmetkeri men onyń deldaldyq qyzmet kórsetken jubaıyna oblystyq sottyń sheshimimen árqaısysyna 200 AEK (583 myń teńge) mólsherinde aıyppul salyndy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT