Jalǵan kólik nómirimen júrgen qyzylordalyq jyldamdyqty 60 ret asyrǵan

QYZYLORDA. QazAqparat – Qyzylordada kólikterine jalǵan nómir taǵyp alǵan jas jigitter anyqtaldy, dep habarlaıdy QazAqparat tilshisi.

Uqsas jańalyqtar

Petropavlda teplovoz avtokólikpen soqtyǵysty

Reseıdiń Rostov oblysynda jol apatynan bes adam qaza tapty Aqmola oblysynda júk kóligi sýǵa aýdarylyp, júrgizýshi kóz jumdy Mamandar el joldaryndaǵy qaýipsizdik deńgeıin qalaı arttyrý kerektigin talqylady

Qyzylordalyq polıtseıler kóligine jalǵan memlekettik nómir belgisin taqqan júrgizýshilerdi anyqtady. Olar ákimshilik jaýapkershilikke tartyldy.

28 aqpan kúni «Vaz 21210» markaly avtokóligine jalǵan nómirdi taqqan Qyzylorda qalasynyń 22 jastaǵy turǵyn anyqtaldy. Bul avtokólik jyldamdyqty asyrǵany úshin «Arkan» qurylǵysyna jalpy 60 márte túsip qalǵan. Oǵan 1 mln 534 myń teńge kóleminde aıyppul salyndy.

Sondaı-aq, jalǵan memlekettik nómir belgisin «Lexus NX 300» kóligine 23 jastaǵy qala turǵyny taǵyp alǵany belgili boldy.

«Qazirgi tańda atalǵan júrgizýshilerge QR Ákimshilik quqyq buzýshylyq týraly kodekstiń 590-babynyń 4-bóligimen ákimshilik hattamalar toltyryldy. Onda jalǵan nemese qoldan jasalǵan memlekettik tirkeý nómiri belgileri (belgisi) bar kólik quralyn basqarý jaǵdaıy kórsetilgen. Ákimshilik ister Qyzylorda qalalyq mamandandyrylǵan ákimshilik sotyna tıisti sheshim qabyldaý úshin joldandy. Kólik quraldary aıyp alańyna qoıyldy», - dep málim etti Qyzylorda oblystyq polıtsııa departamentiniń baspasóz qyzmetinen.