Jalaqyny ındeksteý ınflıatsııany jedeldetedi - Úkimet
2022 jylǵy 21 maýsym 13:10

Jalaqyny ındeksteý ınflıatsııany jedeldetedi - Úkimet

NUR-SULTAN. QazAqparat – QR Premer-Mınıstri Álıhan Smaıylov Májilis depýtattarynyń saýalyna bergen jaýabynda baǵanyń ósýine qaraı aılyqty ındeksteý múmkindikteri týraly aıtylǵan, dep habarlaıdy QazAqparat tilshisi.

«Eńbek zańnamasy boıynsha, jumysshynyń aılyq jalaqysy onyń biliktiligine, atqaratyn mindetiniń aýyrlyǵyna, eńbek jaǵdaıyna qaraı saralanyp taǵaıyndalady. Jalaqynyń eń joǵarǵy shegi degen uǵym joq. Eńbek kodeksiniń 157-baby boıynsha, eńbek shartyna qosymsha ózara mindettemeler qosylyp, sonyń negizinde aılyqty ındeksteý múmkindigi bar», - delingen jaýapta.

Degenmen, onyń aıtýynsha, jyldaǵy aılyq ósirý sharalarynyń sheginen tys mólsherde eńbekaqyny mindetti negizde ındeksteý qadamdary bıýdjet pen jumys berýshilerge qosymsha salmaq túsiredi.

«Qosymsha ındeksteý sharalary ınflıatsııany odan beter jyldamdatýy múmkin. Sondaı-aq jalaqyny mindetti negizde ındeksteý ónimder men qyzmetterdiń baǵasy kóteredi. Bul sońynda qarapaıym tutynýshylardyń qaltasyna tikeleı áser etedi. Al mamandardyń sanatyna qaraı aqy tóleý sol naryqtaǵy jumysshylarǵa degen suranys pen usynystyń ara qatynasyna baılanysty. Aılyqty ındeksteý týraly sheshim kásiporynnyń qarjylyq múmkindigi qaraı qabyldanýy kerek. Memlekettik badarlamalarda halyq jıi tutynatyn sanattarǵa kirgen ónimder men qyzmetterdiń, jumystardyń baǵasynyń ósýin tejeý sharalary qarastyrylǵan», - dep jazady Álıhan Smaıylov.

Finprom.kz saıtynyń málimeti boıynsha, Qazaqstan otbasylary tabystarynyń 50 paıyzyn azyq-túlikke, onyń ishinde 46 paıyzyn tamaq satyp alýǵa jumsaıdy. https://www.inform.kz/qz/kazakstandyktar-tabysynyn-50-payyzyn-azyk-tulikke-zhumsaydy-zertteu_a3946383


Seriktester jańalyqtary

Jańalyqtar

Úrdis

MURAǴAT